എ.ഐ.സിസി അധ്യക്ഷന്‍ രാഹുല്‍ ഗാന്ധിയുടെ നാമനിര്‍ദ്ദേശ പത്രിക സമര്‍പ്പണവുമായി വന്ധപ്പെട്ട് നാളെ 04.04.2019 വ്യാഴാഴ്ച്ച കല്‍പ്പറ്റയില്‍ ഗതാഗത നിയന്ത്രണം ഉണ്ടായിരിക്കുന്നതാണെന്ന് ജില്ലാ പോലീസ് മേധാവി അറിയിച്ചു.
* ജനമൈത്രീ ജംഗ്ഷന്‍ മുതല്‍ കൈനാട്ടി ബൈപാസ് ജംഗ്ഷന്‍ വരെ കല്‍പ്പറ്റ ടൗണിലൂടെ വലിയ വാഹനങ്ങളും മള്‍ട്ടി ആക്‌സല്‍ വാഹനങ്ങളും പ്രവേശിക്കാന്‍ അനുവദിക്കില്ല.
* കോഴിക്കോട് ഭാഗത്ത് നിന്നു വരുന്ന വാഹനങ്ങള്‍ ജനമൈത്രീ ജംഗ്ഷനില്‍ നിന്നും ബൈപാസ് വഴി കടന്ന് പോകേണ്ടതാണ്.
* ബത്തേരി – മാനന്തവാടി ഭാഗത്ത് നിന്നും വരുന്ന വലിയ വാഹനങ്ങള്‍ കൈനാട്ടിയില്‍ നിന്നും ബൈപാസ് വഴി കടന്നുപോകേണ്ടതാണ്.
* കോഴിക്കോട് ഭാഗത്ത് നിന്നു വരുന്ന ബസ്സുകള്‍ പുതിയ ബസ്സ് സ്റ്റാന്റില്‍ വന്നു തിരികെ ബൈപാസ് വഴി കടന്നുപോകേണ്ടതാണ്.
* ബത്തേരി – മാനന്തവാടി ഭാഗത്ത് നിന്നും വരുന്ന ബസ്സുകള്‍ കൈനാട്ടിയില്‍ നിന്നും ബൈപാസ് വഴി പുതിയ സ്റ്റാന്റില്‍ എത്തി തിരികെ ബൈപാസ് വഴി കടന്നുപോകോണ്ടതാണ്.
* ഇന്ന് 03.04.2019 രാത്രി മുതല്‍ തന്നെ കൈനാട്ടി ബൈപാസ് ജംഗ്ഷന്‍ ഗൂഡലായി ജംഗ്ഷന്‍ വരെ വി.വി.ഐ.പി ജില്ല വിട്ട് പോകുന്നതു വരെ യാതൊരുവിധ പാര്‍ക്കിങും അനുവദിക്കുന്നതല്ല.
* രാഹുല്‍ ഗാന്ധി ജില്ലയില്‍ എത്തി പോകുന്നത് വരെ കൈനാട്ടി ബൈപാസ് ജംഗ്ഷന്‍ മുതല്‍ ഗൂഡലായി ജംഗ്ഷന്‍ വരെ ഒരു വാഹനവും കടത്തി വിടുന്നതല്ല എന്നും ജില്ലാ പോലീസ് മേധാവി അറിയിച്ചു.
