ബത്തേരിയില്‍ ഇരുചക്രവാഹനങ്ങള്‍ തമ്മില്‍ കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രികന്‍ മരിച്ചു. നമ്പികൊല്ലി കൊട്ടക്കുനി വെള്ളാപ്പള്ളി ലോറന്‍സിന്റെ മകന്‍ ജസ്റ്റിന്‍ ലോറന്‍സ് (26) ആണ് മരിച്ചത്. ഇന്നലെ രാത്രി 10.15 ഓടെ ബത്തേരി പാട്ടവയല്‍ റോഡില്‍ ഡയറ്റിന് സമീപമാണ് അപകടമുണ്ടായത്. ജസ്റ്റിന്‍ സഞ്ചരിച്ചിരിന്ന ബൈക്കും എതിരെ വന്ന സ്‌കൂട്ടിയുമാണ് അപകടത്തില്‍പ്പെട്ടത്. സ്‌കൂട്ടിയാല്‍ സഞ്ചരിച്ചിരുന്ന കര്‍ണ്ണാടക സ്വദേശികളായ വിനോദ്, മഹേഷ് എന്നിവര്‍ക്ക് പരിക്കേറ്റു. തലയ്ക്ക് സാരമായ പരിക്കേറ്റ ഇരുവരെയും ആദ്യം ബത്തേരിയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു.
