കൊളവള്ളി ചാമപ്പാറ റോഡിന്റെ ടാറിംങ്ങ് പ്രവര്‍ത്തിയുമായി ബന്ധപ്പെട്ട് വനം വകുപ്പിന്റെ തടസ്സങ്ങള്‍ക്ക് പരിഹാരം കാണാന്‍ സീതാ മൗണ്ട് ഐശ്വര്യ കവലയില്‍ ചേര്‍ന്ന ജനപ്രതിനിധികളുടെയും ഉദ്യോഗസ്ഥരുടെയും നേതൃത്വത്തില്‍ നടന്ന ചര്‍ച്ചയില്‍ തീരുമാനം.ചാമപ്പാറ മുതല്‍ കൊളവള്ളി വരെയുള്ള 4 കീലോമീറ്റര്‍ ദൂരം ടാറിംങ്ങ് പ്രവര്‍ത്തികള്‍ നടത്തുന്നതിന് 2 കോടി രൂപ അനുവദിച്ചുവെങ്കിലും റോഡ് നിര്‍മ്മാണത്തിന് വനം വകുപ്പ് അനുമതി നിഷേധിച്ചതിനെ തുടര്‍ന്നാണ് ചര്‍ച്ച. ജനവാസ കേന്ദ്രമായതിനാല്‍ വനം വകുപ്പിന്റെ തടസ്സവാദങ്ങള്‍ ഉപേക്ഷിച്ച് റോഡ് നിര്‍മ്മാണത്തിന് അനുമതി നല്‍കുന്നതിനായി സി.സി.എഫ് മായി ബന്ധപ്പെട്ട് നിര്‍മ്മാണ പ്രവര്‍ത്തി ആരംഭിക്കുന്നതിന് യോഗത്തില്‍ തീരുമാനമായി ഐ.സി ബാലകൃഷ്ണന്‍ എം.എല്‍.എ അദ്ധ്യക്ഷത വഹിച്ചു.ഗ്രാമ പഞ്ചായത്ത് അംഗങ്ങളും പങ്കെടുത്തു.
