ഹരിതമിഷന്റെ ഭാഗമായി ബത്തേരി നഗരസഭയില്‍ നടപ്പാക്കുന്ന പച്ചത്തുരുത്ത് പദ്ധതിയുടെ ഉദ്ഘാടനം മണിച്ചിറ ചിറയുടെ പരിസരത്ത് വൃക്ഷ തൈ നട്ടുകൊണ്ട് നഗരസഭ ചെയര്‍മാന്‍ റ്റി. എല്‍ സാബു നിര്‍വ്വഹിച്ചു. ചടങ്ങില്‍ സ്റ്റാന്റിംഗ് കമ്മറ്റി ചെയര്‍പേഴ്സണ്‍മാരായ സി. കെ സഹദേവന്‍, പി. കെ സുമതി, കൗണ്‍സിലര്‍മാരായ എന്‍ എം വിജയന്‍, പി. പി അയ്യൂബ്, എം. കെ സാബു, നഗരസഭ സെക്രട്ടറി അലി അസ്ഹര്‍, എച്ച് ഐ പി. എസ് സന്തോഷ് കുമാര്‍ തുടങ്ങിയവര്‍ സംബന്ധിച്ചു. പദ്ധതിയുടെ ഭാഗമായി 500ഓളം വിവിധ ഇനങ്ങളില്‍പ്പെടുന്ന ഫലവൃക്ഷ തൈകള്‍ നട്ടുപിടിപ്പിക്കുകയാണ് ലക്ഷ്യം.
