പുല്‍പ്പള്ളി,പൂതാടി, മുള്ളന്‍കൊല്ലി പഞ്ചായത്തുകളിലെ കടുവാ ശല്യത്തിന് ശാശ്വത പരിഹാരമുണ്ടാക്കണമെന്നാവശ്യപ്പെട്ട് സി.പി.എം. ചെതലം റെയ്ഞ്ച് ഓഫീസിലേക്ക് മാര്‍ച്ചും ധര്‍ണയും നടത്തി. ജില്ലാ ഭരണകൂടം വിഷയത്തില്‍ ഇടപെടുക, തദ്ദേശസ്വയംഭരണ സ്ഥാപനങ്ങള്‍ നീതിപുലര്‍ത്തുക, വനാതിര്‍ത്തി ഗ്രാമങ്ങളില്‍ തെരുവ് വിളക്കുകള്‍ സ്ഥാപിക്കുക, കൃഷിയിടങ്ങളിലെ കാടുകള്‍ തൊഴിലുറപ്പില്‍ ഉള്‍പ്പെടുത്തി വെട്ടിത്തെളിക്കുക തുടങ്ങിയ ആവശ്യങ്ങളുന്നയിച്ചായിരുന്നു മാര്‍ച്ച്. പുല്പള്ളി ഏരിയാ സെക്രട്ടറി എം.എസ്. സുരേഷ് ബാബു ഉദ്ഘാടനം ചെയ്തു. പി.ജെ. പൗലോസ് അധ്യക്ഷനായിരുന്നു. സജി തൈപ്പറമ്പില്‍, ടി.കെ. ശിവന്‍, കെ.എന്‍. സുബ്രഹ്‌മണ്യന്‍, കെ.ജെ. പോള്‍, പി.എ. മുഹമ്മദ്, സി.പി. വിന്‍സന്റ്, തുടങ്ങിയവര്‍ സംസാരിച്ചു. ധര്‍ണയ്ക്ക് മുന്നോടിയായി പുല്പള്ളി ടൗണില്‍ പ്രകടനം നടത്തി. പ്രകടനത്തില്‍ നൂറു കണക്കിന് പ്രവര്‍ത്തകര്‍ പങ്കെടുത്തു.
