വാളയാര്‍ പെണ്‍കുട്ടികള്‍ക്ക് നീതി ലഭിക്കാത്തതില്‍ പ്രതിഷേധിച്ച് തല മുണ്ഡനം ചെയ്ത് സമരം നടത്തുന്ന അമ്മയോട് മൂപ്പൈനാട് പഞ്ചായത്ത് മുസ്ലീം യൂത്ത് ലീഗ് കമ്മിറ്റിയുടെ വേറിട്ട ഐക്യദാര്‍ഢ്യ പ്രകടനം. കമ്മിറ്റി ഭാരവാഹികളായ 15 യുവാക്കള്‍ പരസ്യമായി തല മുണ്ഡനം ചെയ്തു കൊണ്ടായിരുന്നു ഐക്യദാര്‍ഢ്യം.താഴെ അരപ്പറ്റയില്‍ നടന്ന പരിപാടി മുസ്ലീം ലീഗ് ജില്ലാ സെക്രട്ടറി യഹ്യാഖാന്‍ തലയ്ക്കല്‍ തല മുണ്ഡനം ചെയ്ത് ഉദ്ഘാടനം ചെയ്തു.ഇതോടനുബന്ധിച്ച് സംഘടിപ്പിച്ച പൊതുയോഗത്തില്‍ ഗദ്ദാഫി അദ്ധ്യക്ഷത വഹിച്ചു. മുസ്ലീം ലീഗ് നിയോജക മണ്ഡലം ട്രഷറര്‍ സലിം മേമന മുഖ്യ പ്രഭാഷണം നടത്തി. എ.കെ.റഫീഖ്, സി.ടി.ഉനൈസ്, റിയാസ് പാറോല്‍ എന്നിവര്‍ സംസാരിച്ചു.
