കേബിള്‍ ടിവി ഓപ്പറേറ്റേഴസ് അസോസിയേഷന്‍ 11-ാംമത് വയനാട് ജില്ലാ സമ്മേളനത്തിനുള്ള സംഘാടക സമിതി രൂപീകരിച്ചു. ബത്തേരി റീജന്‍സി ഓഡിറ്റോറിയത്തില്‍ സംഘാടക സമിതി രൂപീകരണ യോഗം ബത്തേരി മുന്‍സിപല്‍ ചെയര്‍മാന്‍ സികെ സഹദേവന്‍ ഉദ്ഘാടനം ചെയ്തു.ജജനുവരി 10 ന് ആണ് സമ്മേളനം. ജില്ലയില്‍ തന്നെ ഏറ്റവും കൂടുതല്‍ തൊഴില്‍ നല്‍കുന്ന മേഖലയാണ് കേബിള്‍ കേബിള്‍ ടിവി മേഖലയെന്നും ഇതിന്റെ നിലനില്‍പ്പിന് വേണ്ടിയുള്ള പ്രവര്‍ത്തനങ്ങള്‍ക്ക് കൂടെ നില്‍ക്കുമെന്നും അദ്ദേഹം പറഞ്ഞു. സിഒഎ ജില്ലാ സെക്രട്ടറി പിഎം ഏലിയാസ് അദ്ധ്യക്ഷനായിരുന്നു. വയനാട് വിഷന്‍ ചെയര്‍മാന്‍ സുഭാഷ് എം ജോയി, സി.ഇ.ഒ ,സംസ്ഥാന എക്‌സിക്യൂട്ടീവ് അംഗവും കേരള വിഷന്‍ ചെയര്‍മാനുമായ കെ ഗോവിന്ദന്‍ തുടങ്ങിയര്‍ സംസാരിച്ചു. സംഘാടക സമിതി ചെയര്‍മാനായി ബത്തേരി മുന്‍സിപല്‍ ചെയര്‍മാന്‍ സികെ സഹദേവനെയും ജനറല്‍ കണ്‍വീനറായി സിഒഎ മേഖല സെക്രട്ടറി സിഎച്ച് അബ്ദുള്ളയെയും , വൈസ് കണ്‍വീനറായി അഷറഫ് പൂക്കയിലിനെയും തിരഞ്ഞെടുത്തു. വൈസ് ചെയര്‍മാരായി തങ്കച്ചന്‍ പുളിഞ്ഞാല്‍, സജി ദേവസ്യ, അസീസ് മേപ്പാടി, ജോയന്റ് കണ്‍വീനര്‍മാരായി വിജിത് വെള്ളമുണ്ട, സിദ്ദിഖ് കാപ്പുച്ചാല്‍ പബ്ലിസിറ്റ് കണ്‍വീനറായി ബിജു ജോസ് എന്നിവരെയും തിരഞ്ഞെടുത്തു. സമ്മേളനത്തിന്റെ ഭാഗമായി വൈത്തിരി, മാനന്തവാടി, ബത്തേരി തുടങ്ങിയ മേഖലകളില്‍ വിവിധ പരിപാടികള്‍ സംഘടിപ്പിക്കാനും തീരുമാനിച്ചു.
