*കായികമേളയിൽ ഗ്രീൻ പ്രോട്ടോകോൾ നടപ്പാക്കി സംഘാടകർ മാതൃകയായി.*
മാനന്തവാടി: ജില്ലാ സ്കൂൾ കായികമേളയിൽ ഗ്രീൻ പ്രോട്ടോകോൾ നടപ്പാക്കി സംഘാടകർ മാതൃകയായി. ഒരു നേരം അറുനൂറോളം പേർക്ക് ഭക്ഷണമൊരുക്കുന്ന ഊട്ടുപുരയിലും മൈതാനത്തും പ്ലാസ്റ്റിക് ഒഴിവാക്കിയാണ് പരിസ്ഥിതി സൗഹൃദമാക്കിയിരിക്കുന്നത്. ഊണിന് എല്ലാവർക്കും വാഴയിലയിലാണ് ചോറ് വിളമ്പുന്നത്. കുടിവെള്ളത്തിന് ചില്ലു ഗ്ലാസ്സുകളും ഉപയോഗിക്കുന്നു. മാനന്തവാടി മുനിസിപ്പാലിറ്റിയിൽ ഒരു വർഷമായി നിലനിൽക്കുന്ന ഗ്രീൻ പ്രോട്ടോ കോളിന്റെ ഭാഗമായാണ് ജില്ലാ കായിക മേളയും പ്ലാസ്റ്റിക് വിമുക്തമാക്കിയത്.