പ്രവൃത്തികള്‍ പൂര്‍ത്തികരിച്ച തരുവണ-നിരവില്‍പ്പുഴ റോഡ് വീഡിയോകോണ്‍ഫറന്‍സിലൂടെ മന്ത്രി ജി.സുധാകരന്‍ ഉദ്ഘാടനം ചെയ്തു.10 കോടി രൂപാ ചിലവില്‍ നവീകരിച്ച തരുവണ മുതല്‍ കാഞ്ഞിരങ്ങാട് വരെയുള്ള പത്ത് കിലോമീറ്റര്‍ റോഡും കിഫ്ബി ഫണ്ടിലുള്‍പ്പെടുത്തി 16 കോടി രൂപാ ചിലവില്‍ നവീകരിച്ച കാഞ്ഞിരങ്ങാട്-നിരവില്‍പ്പുഴ റോഡുമാണ് ഉദ്ഘാടനം ചെയ്തത്.
മൂളിതോതട് മുതല്‍ പുതുശ്ശേരി വരെയുള്ള റോഡിന്റെ പ്രവൃത്തി ഉദ്ഘാടനവും ചടങ്ങില്‍ വെച്ച് നിര്‍വ്വഹിച്ചു.കോറോത്ത് സംഘടിപ്പിച്ച ചടങ്ങില്‍ എംഎല്‍എ ഒ ആര്‍ കേളു അദ്ധ്യക്ഷനായിരുന്നു. മന്ത്രിക്ക് വേണ്ടി പിഡബ്ല്യൂഡി എക്‌സിക്യൂട്ടീവ് എഞ്ചിനീയര്‍ കെഎം ഹരീഷ് ഉദ്ഘാടന പ്രസംഗം വായിച്ചു .പഞ്ചായത്ത്്് പ്രസിഡണ്ടുമാരായ കുര്യാക്കോസ്,പി തങ്കമണി,തുടങ്ങിയവരും ജനപ്രതിനിധികളും ചടങ്ങില്‍ പങ്കെടുത്തു
പ്രതികൂല കാലാവസ്ഥയിലും നിശ്ചിതസമയത്തിനു മുന്നേ പണി പപൂര്‍ത്തീകരിച്ച ഊരാളുങ്കല്‍ ലേബര്‍ സര്‍വ്വീസ് സൊസൈറ്റിക്കും തരുവണ കാഞ്ഞിരങ്ങാട് പ്രവര്‍ത്തി നടത്തിയ തണ്ടേക്കാട് കണ്‍സ്ട്രക്ഷനും ഉപഹാരങ്ങള്‍ വിതരണം ചെയ്തു.
