ടിപ്പര്‍ നിയന്ത്രണം വിട്ട് പുറകിലേക്ക് വന്ന് മറിഞ്ഞു പിന്നിലുണ്ടായിരുന്ന ബൈക്ക് യാത്രികന്‍ അത്ഭുതകരമായി രക്ഷപ്പെട്ടു
മാനന്തവാടി അമ്പുകുത്തി അയനിയാറ്റില്‍ കോളനിക്ക് സമീപം എം സാന്‍ഡ് കയറ്റിവന്ന ടിപ്പര്‍ ലോറി കയറ്റത്തില്‍ നിന്നും നിയന്ത്രണം വിട്ട് പിന്നിലേക്ക് വന്ന ശേഷം റോഡരികിലെ താഴ്ചയിലേക്ക് മറിഞ്ഞു.
വാഹനത്തിന് പുറകിലായി ബൈക്കില്‍ സഞ്ചരിക്കുകയായിരുന്ന യുവാവ് അത്ഭുതകരമായി രക്ഷപ്പെട്ടു.ടിപ്പര്‍ പുറകിലേക്ക് വരുന്നത് കണ്ട ബൈക്ക് യാത്രികനായ മാനന്തവാടിയിലെ തുണി കച്ചവടക്കാരന്‍ വേല്‍മുരുകന്‍ ബൈക്കില്‍നിന്നും ചാടി മാറി രക്ഷപ്പെടുകയായിരുന്നു.
പിന്നിലേക്ക് വന്ന ടിപ്പര്‍ ബൈക്കും തകര്‍ത്ത് താഴേക്ക് മറിഞ്ഞു. പേര്യ സ്വദേശിയായ ടിപ്പര്‍ ഡ്രൈവറും പരിക്കൊന്നുമില്ലാതെ രക്ഷപ്പെട്ടു. ഇന്ന് രാവിലെ ഒമ്പത് മണിയോടെ ആയിരുന്നു അപകടം
