കോവിഡ് വ്യാപനത്തിന്റെ പശ്ചാത്തലത്തില് പരിശോധകള് കൂട്ടാന് സംസ്ഥാനങ്ങളോട് കേന്ദ്രസര്ക്കാര്. കോവിഡ് അവലോകനയോഗം വിളിച്ചുചേര്ക്കാനും സംസ്ഥാന ആരോഗ്യമന്ത്രിമാരോട് കേന്ദ്ര ആരോഗ്യമന്ത്രാലയം ആവശ്യപ്പെട്ടു.ഈ മാസം 10,11 തീയതികളില് എല്ലാ സംസ്ഥാനങ്ങളിലും മോക്ഡ്രില് സംഘടിപ്പിക്കും. ആരോഗ്യസംവിധാനവും ആശുപത്രികളുമെല്ലാം വലിയ കോവിഡ് തരംഗമോ വ്യാപനമോ ഉണ്ടായാല് പ്രതിരോധിക്കാന് സജ്ജമാണോ എന്നു പരിശോധിക്കുകയാണ് ലക്ഷ്യം. കോവിഡ് മോക്ഡ്രില് നടത്തുന്ന ആശുപത്രികളില് ആരോഗ്യമന്ത്രിമാര് നേരിട്ടു സന്ദര്ശിക്കണമെന്നും നിര്ദേശിച്ചിട്ടുണ്ട്.
മോക്ഡ്രില്ലിന് മുമ്പായി തന്നെ ആരോഗ്യമന്ത്രിയും ഉന്നത ഉദ്യോഗസ്ഥരും അവലോകനയോഗം ചേര്ന്ന് സ്ഥിതിഗതികള് വിലയിരുത്തണം. സംസ്ഥാനങ്ങളില് ഏതുവകഭേദമാണ് വ്യാപിക്കുന്നതെന്ന് കണ്ടെത്തണം. സാമൂഹിക അകലം അടക്കമുള്ള കോവിഡ് മാര്ഗനിര്ദേശങ്ങള് കര്ശനമായി പാലിക്കുന്നുണ്ടെന്ന് സംസ്ഥാനങ്ങള് ഉറപ്പുവരുത്തണമെന്നും കേന്ദ്രസര്ക്കാര് നിര്ദേശിച്ചിട്ടുണ്ട്.
കേന്ദ്ര ആരോഗ്യമന്ത്രി മന്സുഖ് മാണ്ഡവ്യയുടെ അധ്യക്ഷതയിലാണ് ഇന്ന് കോവിഡ് അവലോകനയോഗം ചേര്ന്നത്. കേന്ദ്ര ആരോഗ്യവകുപ്പ് സഹമന്ത്രി, ആരോഗ്യമന്ത്രാലയ ഉദ്യോഗസ്ഥര് തുടങ്ങിയവര് യോഗത്തില് സംബന്ധിച്ചു. സംസ്ഥാന ആരോഗ്യമന്ത്രിമാര്, ആരോഗ്യ സെക്രട്ടറിമാര് തുടങ്ങിയവര് ഓണ്ലൈനായി യോഗത്തില് പങ്കെടുത്തു. രാജ്യത്ത് ഇന്നലെ 6050 പേര്ക്കാണ് കോവിഡ് സ്ഥിരീകരിച്ചത്.
Sign in
Sign in
Recover your password.
A password will be e-mailed to you.