അതിര്‍ത്തിതര്‍ക്കത്തിനിടെ അനുജനെ കുത്തിപ്പരിക്കേല്‍പ്പിച്ച ജ്യേഷ്ഠനെ അറസ്റ്റ് ചെയ്തു

0

അതിര്‍ത്തിതര്‍ക്കവുമായി ബന്ധപ്പെട്ട് അനുജനെ കത്തികൊണ്ട് കുത്തിപരിക്കേല്പിച്ച ജ്യേഷ്ഠനെ പോലീസ് അറസ്റ്റ് ചെയ്തു. തൃശ്ശിലേരി കാനഞ്ചേരികുന്ന് മരട്ടിവീട്ടില്‍ മാത്യു (55) നെ കുത്തി പരിക്കേല്‍പ്പിച്ച സഹോദരന്‍ തോമസ് (60) നെയാണ് വധശ്രമ കുറ്റം ചുമത്തി തിരുനെല്ലി പോലീസ് അറസ്റ്റ് ചെയ്തത്. ഭൂസര്‍വ്വേയില്‍ സ്ഥലത്തില്‍ കുറവുണ്ടായതിനെ തുടര്‍ന്ന് ഉണ്ടായ തര്‍ക്കമാണ് തോമസ് കത്തിവെച്ച് മാത്യുവിനെ ആക്രമിക്കാന്‍ കാരണമായത്. നെഞ്ചിലുള്ള ആഴത്തിലുള്ള മുറിവിന് പുറമെ മുഖത്തും, കൈക്കുമാണ് കുത്തേറ്റത്. മാത്യു മാനന്തവാടി മെഡിക്കല്‍ കോളേജില്‍ അടിയന്തര ശസ്ത്രക്രിയക്ക് ശേഷം നിരീക്ഷണത്തില്‍ കഴിയുകയാണ്. തിരുനെല്ലി അഡി.എസ്.ഐ സുരേഷ് ബാബുവിന്റെ നേതൃത്വത്തില്‍ അറസ്റ്റ് ചെയ്ത് കോടതിയില്‍ ഹാജരാക്കിയ പ്രതിയെ കോടതി റിമാണ്ട് ചെയ്തു.

Leave A Reply

Your email address will not be published.

error: Content is protected !!