എംഎല്‍എ ഫണ്ട് ഉപയോഗിച്ച് വെള്ളമുണ്ട മംഗലശ്ശേരി മല സ്‌കൂളില്‍ നിര്‍മ്മിച്ച കെട്ടിടത്തിന്റെ ഉദ്ഘാടനം മാനന്തവാടി എംഎല്‍എ ഒ ആര്‍ കേളു നിര്‍വഹിച്ചു. 45 ലക്ഷം രൂപ ഉപയോഗിച്ചാണ് കെട്ടിടം നിര്‍മ്മിച്ചത.്‌വെള്ളമുണ്ട പഞ്ചായത്ത് വൈസ് പ്രസിഡന്റ് ജംഷീര്‍ കുനിങ്ങാരത്ത് അധ്യക്ഷനായിരുന്നു. പ്രധാന അധ്യാപിക ഷീനു ജോസ് റിപ്പോര്‍ട്ട് അവതരിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് ജെസ്റ്റിന്‍ ബേബി എസ്എസ്എല്‍സി,+2 വിജയികളെ അനുമോദിച്ചു..ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ ജുനൈദ് കൈപ്പാണി വിദ്യാലയ ലൈബ്രറിയിലേക്ക് പുസ്തകങ്ങള്‍ കൈമാറി. ഒ ആര്‍ കേളു എംഎല്‍എ,ജെസ്റ്റിന്‍ ബേബി, ജുനൈദ് കൈപ്പാണി എന്നിവരെ ബ്ലോക്ക് പഞ്ചായത്ത് അംഗം പി ചന്ദ്രന്‍ പൊന്നാട അണിയിച്ച് ആദരിച്ചു. വെള്ളമുണ്ട ഗ്രാമപഞ്ചായത്ത് വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ സി.എം അനില്‍കുമാര്‍ ബ്ലോക്ക് പഞ്ചായത്ത് വിദ്യാഭ്യാസ സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ പി കല്യാണി,ഗ്രാമപഞ്ചായത്ത് അംഗങ്ങളായ പി.എ അസീസ്,പി രാധ.സാബു പി ആന്റണി,ധന്യ എം സി എന്നിവര്‍ ആശംസകള്‍ അറിയിച്ചു.ചടങ്ങിന് പി ടി എ പ്രസിഡന്റ് ചന്തു എം.കെ നന്ദി പറഞ്ഞു.
