റേഷന് കടകളുടെ പ്രവര്ത്തന സമയത്തില് ഏര്പ്പെടുത്തിയിരുന്ന ക്രമീകരണം പിന്വലിച്ചു. ജനുവരി 27 മുതല് സംസ്ഥാനത്തെ എല്ലാ റേഷന് കടകളും രാവിലെ 8.30 മുതല് 12.30 വരെയും വൈകീട്ട് മൂന്ന് മുതല് 6.30 വരെയും പ്രവര്ത്തിക്കുമെന്ന് മന്ത്രി ജി.ആര് അനില് അറിയിച്ചു.
റേഷന് കടകളുടെ പ്രവര്ത്തന സമയം പകുതി ജില്ലകള് വീതം ക്രമീകരിച്ചിരുന്നെങ്കിലും റേഷന് വിതരണത്തെ ഇത് ഒരുതരത്തിലും ബാധിച്ചില്ലെന്ന് മന്ത്രി ചൂണ്ടിക്കാട്ടി.
റേഷന് വിതരണവുമായി ബന്ധപ്പെട്ട സാങ്കേതിക സംവിധാനങ്ങള്ക്ക് നിലവില് യാതൊരു തകരാറുകളുമില്ലെന്നും റേഷന് വിതരണത്തിന് ഏര്പ്പെടുത്തിയിരുന്ന സമയക്രമീകരണം തുടരേണ്ടതില്ലെന്നും യോഗത്തില് സാങ്കേതിക വിദഗ്ധര് അഭിപ്രായപ്പെട്ടു.
