നടവയല്‍ ചെക്കിട്ട വനാതിര്‍ത്തിയില്‍ നിര്‍മ്മിച്ച കല്‍മതില്‍ കാട്ടാന തകര്‍ത്തിട്ട് വര്‍ഷങ്ങള്‍ കഴിഞ്ഞിട്ടും മതില്‍ പുനര്‍ നിര്‍മ്മിക്കാന്‍ വനം വകുപ്പ് അനാസ്ഥ കാട്ടുന്നതായി പരാതി. തകര്‍ന്ന് കിടക്കുന്ന മതില്‍ പുന:സ്ഥാപിക്കാന്‍ അധികൃതര്‍ നടപടി സ്വീകരിക്കാത്തതിനെ തുടര്‍ന്ന് നാട്ടുകാര്‍ മതില്‍ നിര്‍മ്മിക്കാം എന്ന് ആവശ്യം ഉന്നയിച്ചുവെങ്കിലും വനം വകുപ്പ് തടസ്സമുന്നയിക്കുന്നുവെന്ന് ആരോപിച്ച് നാട്ടുകാര്‍.
ചെക്കിട്ട ഉന്നതിയോട് ചേര്‍ന്ന്ഏകദേശം 150 ളം മീറ്റര്‍ കല്‍മതില്‍ ഇടിച്ച് നിരത്തി. കൃഷിയിടത്തിലേക്ക് ഇറങുന്ന കാട്ടാനകള്‍ വ്യാപക കൃഷി നാശമാണ് വരുത്തുന്നത് . നിരവധി തവണ തകര്‍ന്ന ഭാഗം അറ്റകുറ്റ പണി നടത്തണമെന്ന് വനം വകുപ്പിനോട് ആവശ്യപെടങ്കിലും ഒരു നടപടിയും അധികൃതര്‍ സ്വികരിച്ചില്ലന്ന് നാട്ടുകാര്‍ പറഞ്ഞു . തുടര്‍ന്നാണ് നാട്ടുകാര്‍ സ്വന്തം ചിലവില്‍ തകര്‍ത്ത ഭാഗം കല്‍മതില്‍ നിര്‍മ്മിക്കാമെന്ന് വനം വകുപ്പിനോട് ആവശ്യപെട്ടത് . എന്നാല്‍ വനം അധികൃതര്‍ ഇതിന് തടസ്സമുന്നയിക്കുകയാണന്ന് കര്‍ഷകര്‍ പറഞ്ഞു .
