കേരളത്തില്‍ സ്വര്‍ണ വിലയില്‍ വലിയ മുന്നേറ്റം. ഇന്ന് പവന് 600 രൂപ വര്‍ധിച്ച് 55,680 രൂപയും ഗ്രാമിന് 75 രൂപ വര്‍ധിച്ച് 6,960 രൂപയിലുമെത്തി. കേരളത്തില്‍ ഇതുവരെ രേഖപ്പെടുത്തിയ ഏറ്റവും ഉയര്‍ന്ന വിലയാണിത്. 2024 മേയ് 20തിന് രേഖപ്പെടുത്തിയ പവന് 55,120 രൂപയാണ് പഴങ്കഥയായത്. രാജ്യാന്തര വിപണിയില്‍ വെള്ളിയാഴ്ച സര്‍വകാല ഉയരം തൊട്ടതിന് പിന്നാലെയാണ് കേരളത്തിലും സ്വര്‍ണ വില കുതിക്കുന്നത്. രണ്ട് ദിവസത്തിനിടെ കേരള വിപണിയില്‍ 1,080 രൂപയാണ് പവന് വര്‍ധിച്ചത്.
