കേരള മുഖ്യമന്ത്രി പിണറായി വിജയന്, ഗവര്ണര് ആരിഫ് മുഹമ്മദ് ഖാന് എന്നിവര് പ്രധാനമന്ത്രിയെ വിമാനത്താവളത്തില് സ്വീകരിച്ചു. കേന്ദ്ര പെട്രോളിയം വകുപ്പ് സഹമന്ത്രി സുരേഷ് ഗോപിയും മോദിക്കൊപ്പമുണ്ടായിരുന്നു. രണ്ട് ഹെലികോപ്റ്ററിലായിട്ടാണ് വയനാട്ടിലെ ദുരന്തബാധിത മേഖലയിലേക്ക് പുറപ്പെട്ടത്.കെ കെ ശൈലജ ടീച്ചര് എം എല് എ, ചീഫ് സെക്രട്ടറി ഡോ. വി വേണു, ഡി ജി പി ഷേഖ് ദര്വേശ് സാഹിബ്, ജില്ലാ കളക്ടര് അരുണ് കെ വിജയന്, സിറ്റി പോലീസ് കമ്മിഷണര് അജിത് കുമാര്, എ പി അബ്ദുള്ളക്കുട്ടി, സി കെ പത്മനാഭന് തുടങ്ങിയവരും പ്രധാനമന്ത്രിയെ വിമാനത്താവളത്തില് സ്വീകരിക്കാനെത്തിയിരുന്നു.
വയനാട്ടിലെത്തിയ പ്രധാനമന്ത്രി നരേന്ദ്ര മോദി കല്പ്പറ്റയില് നിന്ന് റോഡ് മാര്ഗം ഉരുള്പൊട്ടലുണ്ടായ ചൂരല്മലയിലെത്തി. ഇന്ന് രാവിലെ കണ്ണൂരില് വിമാനമിറങ്ങിയ പ്രധാനമന്ത്രി നരേന്ദ്ര മോദി ഹെലികോപ്ടറില് ഉരുള്പൊട്ടലുണ്ടായ വയനാട്ടിലെ മുണ്ടക്കൈ,ചൂരല്മല, പുഞ്ചിരിമട്ടം മേഖലയില് ആകാശ നിരീക്ഷണം നടത്തി. ഇതിനുശേഷമാണ് കല്പറ്റയില് നിന്നും ചൂരല്മലയിലേക്ക് പുറപ്പെട്ടത്.
പ്രധാനമന്ത്രിക്കൊപ്പം കേരള മുഖ്യമന്ത്രി പിണറായി വിജയന്, ഗവര്ണര് ആരിഫ് മുഹമ്മദ് ഖാന്, കേന്ദ്ര മന്ത്രി സുരേഷ് ഗോപി തുടങ്ങിയവരുമുണ്ട്. ആകാശ നിരീക്ഷണം പൂര്ത്തിയാക്കിയശേഷം ഉച്ചയ്ക്ക് 12.15ഓടെയാണ് കല്പ്പറ്റ എസ്കെഎംജെ സ്കൂള് ഗ്രൗണ്ടില് ഹെലികോപ്ടര് ഇറങ്ങിയത്. രണ്ടു ഹെലികോപ്ടറുകളാണ് കല്പ്പറ്റയിലെ ഹെലിപാഡിലിറങ്ങിയത്. തുടര്ന്ന് 12.25ഓടെയാണ് റോഡ് മാര്ഗം കല്പ്പറ്റയില് നിന്ന് ചൂരല്മലയിലേക്ക് പുറപ്പെട്ടത്. കല്പറ്റയില് നിന്ന് മേപ്പാടി വഴി 18 കിലോമീറ്ററാണ് ചൂരല്മലയിലേക്കുള്ളത്. വൈകിട്ട് മൂന്നു മണി വരെ പ്രധാനമന്ത്രി ദുരന്തമേഖലയില് തുടരും.
ഇവിടെ നിന്നും നിന്ന് റോഡ് മാര്ഗം ചൂരല്മലയിലേ ദുരന്തഭൂമിയിലെത്തും. ക്യാംപില് കഴിയുന്നവരെ മോദി നേരില് കണ്ട് സംസാരിക്കും. ദുരിതബാധിതരുടെ പുനരധിവാസത്തിന് 2000 കോടിയുടെ പ്രത്യേക പാക്കേജ് കേന്ദ്രത്തോട് ആവശ്യപ്പെടാനാണ് സംസ്ഥാന സര്ക്കാരിന്റെ തീരുമാനം. ഇന്ന് രാവിലെ 11 മണിയോടെയാണ് മോദി കണ്ണൂര് വിമാനത്താവളത്തിലെത്തിയത്.
