കനകം കാമിനി കലഹം’ സിനിമയുടെ ചിത്രീകരണം ആരംഭിച്ചു
ലോക്ക്ഡൗണിന് പിന്നാലെ നിവിന് പോളി നായകനായെത്തുന്ന ‘കനകം കാമിനി കലഹം’ സിനിമയുടെ ചിത്രീകരണം ആരംഭിച്ചു. കൊവിഡ് മാനദണ്ഡങ്ങളോട് കൂടി എറണാകുളത്താണ് ചിത്രീകരണം ആരംഭിച്ചത്.’ആന്ഡ്രോയിഡ് കുഞ്ഞപ്പന്’ ശേഷം രതീഷ് ബാലകൃഷ്ണന് സംവിധാനം ചെയ്യുന്ന ചിത്രത്തില് ഗ്രേസ് ആന്റണിയാണ് നായിക. പോളി ജൂനിയര് പ്രൊഡക്ഷന്സിന്റെ ബാനറില് നായകന് നിവിന് പോളി തന്നെയാണ് ചിത്രം നിര്മിക്കുന്നത്. വിനയ് ഫോര്ട്ട്, ജോയ് മാത്യു, ജാഫര് ഇടുക്കി, വിന്സി അലോഷ്യസ്, രാജേഷ് മാധവന് എന്നിവരും പ്രധാന വേഷത്തില് എത്തുന്നു. വിനോദ് ഇല്ലംപിള്ളിയാണ് ഛായാഗ്രഹണം. നിവിന്റെ പിറന്നാള് ദിവസമായിരുന്നു ചിത്രത്തിന്റെ പ്രഖ്യാപനം.