കുടുംബശ്രീ ജില്ലാ മിഷന്റെ ജില്ലയിലെ നാലാമത്തെ മാ കെയര്‍ സെന്റര്‍ മീനങ്ങാടി ഗവണ്‍മെന്റ് ഹയര്‍സെക്കന്‍ഡറി സ്‌കൂളില്‍ പ്രവര്‍ത്തനമാരംഭിച്ചു.
സ്റ്റേഷനറി ഉത്പന്നങ്ങള്‍, ലഘുഭക്ഷണം, പാനീയങ്ങള്‍, സാനിറ്ററി നാപ്കിനുകള്‍ എന്നിവ ലഭ്യമാക്കുന്നതിനായി സ്‌കൂള്‍ വളപ്പിലാണ് മാ കെയര്‍ കിയോസ്‌ക് തുടങ്ങിയത്.വിദ്യാര്‍ത്ഥികള്‍ക്കും അധ്യാപകര്‍ക്കും മിതമായ നിരക്കില്‍ കിയോസ്‌കില്‍ നിന്നും ഉല്‍പ്പന്നങ്ങള്‍ വാങ്ങാം. പോഷക സമ്പുഷ്ടമായ ഭക്ഷണവും മറ്റ് സ്റ്റേഷനറി ഉത്പന്നങ്ങളും ലഭ്യമാകുന്നതോടെ സ്‌കൂള്‍ സമയത്ത് കുട്ടികള്‍ കോമ്പൗണ്ട് വിട്ട് പുറത്തുപോകേണ്ടിവരില്ല. കുടുംബശ്രീ അയല്‍ക്കൂട്ടംഗങ്ങള്‍ക്ക് ഇതിലൂടെ വരുമാനം കണ്ടെത്താനും സാധിക്കും.
ഗ്രാമപഞ്ചായത്ത് പ്രസിഡന്റ് ഇ കെ വിനയന്‍ ഉദ്ഘാടനം ചെയ്തു.ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഉഷ രാജേന്ദ്രന്‍ അധ്യക്ഷയായി. കുടുംബശ്രീ സിഡിഎസ് ചെയര്‍പേഴ്‌സണ്‍ ശ്രീകല ദിനേശ് ബാബു, ജില്ലാ മിഷന്‍ കോര്‍ഡിനേറ്റര്‍ പി കെ ബാലസുബ്രഹ്‌മണ്യന്‍,
ജില്ലാ പഞ്ചായത്ത് ഡിവിഷന്‍ മെമ്പര്‍ സിന്ധു ശ്രീധരന്‍, സ്‌കൂള്‍ പ്രിന്‍സിപ്പാള്‍ ഷിവി കൃഷ്ണന്‍, ഹെഡ്മാസ്റ്റര്‍ കെ ടി അഷറഫ്, എസ്എംസി ചെയര്‍മാന്‍ അലിയാര്‍, ഗ്രാമപഞ്ചായത്ത് വൈസ് പ്രസിഡണ്ട് നുസ്രത്ത് ബാനു, വാര്‍ഡ് മെമ്പര്‍ ടി പി ഷിജു,
അസിസ്റ്റന്റ് കോര്‍ഡിനേറ്റര്‍ കെ കെ അമീന്‍, കുടുംബശ്രീ മെമ്പര്‍ സെക്രട്ടറി രാജേന്ദ്രപിള്ള, പിടിഎ പ്രസിഡണ്ട് ഹാജിസ്, ജില്ലാ പ്രോഗ്രാം മാനേജര്‍മാരായ ഹുദൈഫ് പി, അര്‍ഷാക്ക് സുല്‍ത്താന്‍, ശ്രുതി രാജന്‍, സിഡിഎസ് വൈസ് ചെയര്‍പേഴ്‌സണ്‍ സുനിത, സിഡിഎസ് എക്‌സിക്യൂട്ടീവ് അംഗങ്ങള്‍, വാര്‍ഡ് മെമ്പര്‍മാര്‍, ബ്ലോക്ക് കോര്‍ഡിനേറ്റര്‍മാര്‍ വിദ്യമോള്‍, മഹിജ, ടെനി, സിഡിഎസ് അക്കൗണ്ടന്റ് സുബിനി, മൈക്രോ എന്റര്‍പ്രൈസസ് കണ്‍സള്‍ട്ടന്റുമാര്‍ , കുടുംബശ്രീ സപ്പോര്‍ട് ടീം അംഗങ്ങള്‍ എന്നിവര്‍ പങ്കെടുത്തു.
