സംസ്ഥാനത്ത് അതിശക്തമായ മഴ തുടരും. ബംഗാള് ഉള്ക്കടലില് ന്യൂനമര്ദ്ദം ഇന്ന് ‘റെമാല്’ ചുഴലിക്കാറ്റായി രൂപപ്പെടും. കാറ്റുകളുടെ സ്വാധീനം കുറയുന്നതിന് അനുസരിച്ച് മഴ ശമിക്കുമെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. ഇന്ന് ഏഴ് ജില്ലകളില് യെല്ലോ അലേര്ട്ടുണ്ട്. തിരുവനന്തപുരം, കൊല്ലം, ആലപ്പുഴ, എറണാകുളം, കോഴിക്കോട്, കണ്ണൂര്, കാസര്ഗോട്, ജില്ലകളിലാണ് യെല്ലോ അലേര്ട്ട്്. മത്സ്യബന്ധനത്തിനുള്ള വിലക്ക് തുടരുകയാണ്.
നാളെ ആലപ്പുഴ, എറണാകുളം, തൃശൂര്, ജില്ലകളിലും മറ്റന്നാള് തിരുവനന്തപുരം, കൊല്ലം ജില്ലകളിലും യെല്ലോ അലര്ട്ട് നല്കിയിട്ടുണ്ട്. അതിനിടെ വടക്കന് കേരളത്തിന് സമീപം അറബിക്കടലിലുള്ള ന്യൂനമര്ദ്ദം ദുര്ബലമായി. ഇന്ന് ബംഗാള് ഉള്ക്കടലില് ഞായറാഴ്ച ഇത് തീവ്ര ചുഴലിക്കാറ്റായി ബംഗ്ലാദേശ് തീരത്ത് പ്രവേശിക്കാന് ആണ് സാധ്യത. ഈ മാസം 31 ന് എത്തുമെന്ന് അറിയിച്ച കാലവര്ഷം അതിന് മുന്പ് തന്നെ കേരളത്തില് പ്രവേശിക്കാന് സാധ്യത ഉണ്ട്. സംസ്ഥാനത്ത് വേനല് കാലത്ത് ലഭിക്കേണ്ടതില് കൂടുതല് മഴയാണ് ഇത്തവണ ലഭിച്ചത്. മാര്ച്ച് 1 മുതല് മെയ് 31 വരെ 359.1 എംഎം മഴയാണ് ലഭിക്കേണ്ടത്. മെയ് 24 വരെ 360.8 എംഎം മഴയാണ് സംസ്ഥാനത്ത് പെയ്തത്.
