ജല വിതരണം മുടങ്ങും
പൂതാടി മാത്തൂര്വയല് പമ്പിങ് സ്റ്റേഷനിലെ കിണറും ലീഡിങ് ചാനലും ശുദ്ധീകരിക്കുന്നതിനാല് ജലവിതരണം ഏപ്രില് 27,28,29 തിയതികളില് പൂതാടി പഞ്ചായത്തില് പൂര്ണമായും പുല്പ്പള്ളി പഞ്ചായത്തില് ഭാഗികമായും മുടങ്ങുമെന്ന് അസിസ്റ്റന്റ് എന്ജിനീയര് അറിയിച്ചു.
റേഷന് വിഹിതം ഒരുമിച്ച് നല്കും
ഏപ്രില്, മെയ് മാസത്തെ റേഷന് വിഹിതം ഉപഭോക്താക്കള്ക്ക് ഒരുമിച്ച് റേഷന് കടകളില് നിന്നും നല്കും. ഏപ്രില് മാസത്തെ റേഷന് വിഹിതം ഏപ്രില് മാസം തന്നെ വാങ്ങേണ്ടതാണ്. മെയ് മാസ വിഹിതം ഏപ്രില് മാസത്തെ വിഹിതത്തിന്റെ കൂടെയോ മെയ് മാസത്തിലോ ഉപ ഭോക്താക്കള്ക്ക് സൗകര്യപ്രദമായ രീതിയില് റേഷന് കടകളില് നിന്നും വാങ്ങാവുന്നതാണ്. ഉപഭോക്താക്കള് പ്രസ്തുത അവസരം പ്രയോജനപ്പെടുത്തണമെന്ന് ജില്ലാ സപ്ലൈ ഓഫീസര് അറിയിച്ചു.
പി എസ് സി ഇന്റര്വ്യൂ
ജില്ലയില് വിദ്യാഭ്യാസ വകുപ്പില് ഹൈസ്കൂള് ടീച്ചര് (നാച്ചുറല് സയന്സ്) (കാറ്റഗറി നമ്പര് 602/2024) തസ്തികയുടെ ഇന്റര്വ്യൂ ഏപ്രില് 28,29 തിയ്യതികളില് പി എസ് സി വയനാട് ജില്ലാ ഓഫീസില് നടത്തുന്നു. ഉദ്യോഗാര്ത്ഥികള്ക്കുളള വ്യക്തിഗത അറിയിപ്പ് അവരവരുടെ പ്രൊഫൈലിലും മൊബൈലില് എസ്.എം.എസും ലഭ്യമാക്കിയിട്ടുണ്ട്. ഉദ്യോഗാര്ത്ഥികള് പ്രൊഫൈലില് നിന്നും ഡൗണ്ലോഡ് ചെയ്ത ഇന്റര്വ്യൂ മെമ്മോ, ഒ ടി വി സര്ട്ടിഫിക്കറ്റിന്റെ പകര്പ്പ്, ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന അസ്സല് സര്ട്ടിഫിക്കറ്റുകള്, അസ്സല് തിരിച്ചറിയല് കാര്ഡ് എന്നിവ സഹിതം നിശ്ചിത തീയതിയിലും സമയത്തും സ്ഥലത്തും ഹാജരാകണം.
ഇന്റര്വ്യൂ 30ന്
വയനാട് ജില്ലയില് വിദ്യാഭ്യാസ വകുപ്പില് ഹൈസ്കൂള് ടീച്ചര് (ഇംഗ്ലീഷ് ) (കാറ്റഗറി.നമ്പര് 603/2024) തസ്തികയുടെ ഇന്റര്വ്യൂ ഏപ്രില് 30ന് പി എസ് സി വയനാട് ജില്ലാ ഓഫീസില് നടത്തും. അര്ഹരായ ഉദ്യോഗാര്ത്ഥികള്ക്കുളള വ്യക്തിഗത അറിയിപ്പ് അവരവരുടെ പ്രൊഫൈലിലും മൊബൈലില് എസ്.എം.എസും ലഭ്യമാക്കിയിട്ടുണ്ട്. ഉദ്യോഗാര്ത്ഥികള് പ്രൊഫൈലില് നിന്നും ഡൗണ്ലോഡ് ചെയ്ത ഇന്റര്വ്യൂ മെമ്മോ, ഒ ടി വി സര്ട്ടിഫിക്കറ്റിന്റെ പകര്പ്പ്, ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന അസ്സല് സര്ട്ടിഫിക്കറ്റുകള്, തിരിച്ചറിയല് കാര്ഡ് എന്നിവ സഹിതം നിശ്ചിത തീയതിയിലും സമയത്തും സ്ഥലത്തും ഹാജരാകണം.
എം ആര് എസില് ആറാം ക്ലാസില് സീറ്റൊഴിവ്
പട്ടിക വര്ഗ്ഗ വികസന വകുപ്പിന്റെ കീഴില് വയനാട് ജില്ലയില് മാനന്തവാടി നല്ലൂര്നാട് പ്രവര്ത്തിക്കുന്ന അംബേദ്കര് മെമ്മോറിയല് മോഡല് റെസിഡന്ഷ്യല് ഗവ ഹയര് സെക്കന്ററി സ്കൂളില് 2026-2027 അധ്യയനവര്ഷം ആറാം ക്ലാസ്സില് സീറ്റുകള് ഒഴിവുണ്ട്. പട്ടിക വര്ഗ്ഗ/ പട്ടിക ജാതി വിഭാഗത്തില്പെട്ട താല്പര്യമുള്ള ആണ്കുട്ടികളുടെ രക്ഷിതാക്കളില് നിന്നും അപേക്ഷ ക്ഷണിക്കുന്നു. അപേക്ഷകരുടെ വാര്ഷിക വരുമാന പരിധി രണ്ടു ലക്ഷം രൂപയില് കവിയരുത്. താല്പര്യമുള്ളവര് കുട്ടികളുമായി ഏപ്രില് 30ന് രാവിലെ പത്ത് മണിക്ക് സ്കൂളില് നടക്കുന്ന എഴുത്തു പരീക്ഷയ്ക്ക് ഹാജരാകണം്. ഫോണ്- 9495073565, 8113058246
വൈദ്യുതി മുടങ്ങും
വെള്ളമുണ്ട ഇലക്ട്രിക്കല് സെക്ഷന് കീഴില് വെള്ളമുണ്ട പത്താംമൈല്, വെള്ളമുണ്ട താഴെയങ്ങാടി, പുളിഞ്ഞാല് റോഡ്, പോലീസ് സ്റ്റേഷന് ഭാഗങ്ങളില് ഏപ്രില് 27 തിങ്കളാഴ്ച രാവിലെ എട്ടു മുതല് വൈകിട്ട് ആറ് വരെ വൈദ്യുതി വിതരണം തടസ്സപ്പെടും.
Comments (0)
No comments yet. Be the first to comment!