ക്രി്സ്തുമസ് രാവുകളെ വരവേല്ക്കാന് വിപണി ഒരുങ്ങി. വിവിധ തരം നക്ഷത്രങ്ങള്, പുല്ക്കൂട്, വിവിധതരം ക്രിസ്തുമസ് ട്രീകളടക്കം വിപണിയില് സുലഭമാണ്. ലൈറ്റില്ലാതെതന്നെ നിറംമാറുന്ന നക്ഷത്രങ്ങളും മഞ്ഞ് പൊഴിയുന്ന അനുഭവംതരുന്ന ക്രിസ്തുമസ് ട്രീയും, കരോള് സ്റ്റിക്കുകളും ഇത്തവണത്തെ ഹൈലൈറ്റുകളാണ്.
ക്രിസ്ത്മസ് ആഘോഷങ്ങള്ക്ക് ഒരുങ്ങാന് ദിവസങ്ങള് മാത്രംബാക്കിനില്ക്കെ ക്രിസ്തുമസിന്റെ വരവറിയിച്ച് വിപണി ഒരുങ്ങികഴിഞ്ഞു. വീടുകളും ദേവാലയങ്ങളും അലങ്കരിക്കാനാവശ്യമായി എല്ലാവിധസാധനങ്ങളും വിപണിയില് സ്ഥാനം പിടിച്ചിട്ടുണ്ട്. മഞ്ഞുപൊഴിയുന്ന അനുഭവം തരുന്ന വ്യത്യസ്ത നിറങ്ങളിലുള്ള ക്രിസ്തുമസ് ട്രീ, പുല്ക്കൂടുകള്, അലങ്കാരവസ്തുക്കളെല്ലാം ക്രിസ്തുമസ് വിപണിയിലുണ്ട്. ആരേയും ആകര്ഷിക്കുന്ന തരത്തില് പല വലുപ്പങ്ങളിലും, വര്ണ്ണങ്ങളിലുമുള്ള നക്ഷത്രങ്ങളാണ് വിപണിയിലെത്തിയിരിക്കുന്നത്.പരമ്പരാഗത പേപ്പര് നക്ഷത്രങ്ങള് മുതല് എല്.ഇ.ഡി. ലൈറ്റുകള് ഘടിപ്പിച്ച നക്ഷത്രങ്ങള് വരെ വിപണിയില് ലഭ്യമാണ്.കുട്ടികള്ക്കുള്ള സാന്റാ വസ്ത്രങ്ങള്, അലങ്കാരമാലകള്, കരോള് സ്റ്റിക്കുകളുമുണ്ട്.
നൂറ്റിയമ്പത് രൂപമുതല് അയ്യായിരം രൂപവരെയാണ് ക്രിസ്ത്മസ് ട്രീയുടെ വില. സാധാരണ നക്ഷത്രങ്ങള്ക്ക് പത്ത് രൂപമുതല് അഞ്ഞൂറ് വരെയാണെങ്കില് എല്.ഇ.ഡി നക്ഷത്രങ്ങള്ക്ക് നൂറ് രൂപമുതല് ആയിരത്തിഅഞ്ഞൂറ് വരെയാണ്. പുല്ക്കൂടിന് മുന്നൂറ് മുതല് രണ്ടായിത്തി അഞ്ഞൂറ് രൂപവരെയും, സാന്റാ വസ്ത്രങ്ങള്ക്ക് 195 മുതല് 1200 രൂപവരെയുമാണ് വില. മുന്വര്ഷത്തെ അപേക്ഷിച്ച് എല്ലാസാധനങ്ങള്്ക്കും വിലക്കുറവാണെന്നുമാണ് വ്യാപാരികള് പറയുന്നത്. ഇപ്പോള്തന്നെ സാധനങ്ങള് വാങ്ങാന് ആളുകളുടെ തിരക്ക് ഷോപ്പുകളില് ഉണ്ട്. വരുംദിവസങ്ങളില് ആവശ്യക്കാരുടെ വരവ് വര്ദ്ദിക്കുമെന്ന പ്രതീക്ഷയിലാണ് ക്ച്ചവടക്കാര്.
Comments (0)
No comments yet. Be the first to comment!