കല്‍പ്പറ്റ മുണ്ടേരി താന്നിക്കല്‍ വീട്ടില്‍ ടി കെ വേണുഗോപാല്‍ (32) ആണ് പിടിയിലായത്. കഴിഞ്ഞ ദിവസം വൈകീട്ട് വെങ്ങപ്പള്ളി പഞ്ചാബ് മുസ്ലിം പള്ളിക്ക് സമീപം നടന്ന പരിശോധനയില്‍ ഇയാളില്‍ നിന്നും 9.25 ഗ്രാം മെത്തഫിറ്റമിന്‍ പിടികൂടി. വെങ്ങപ്പള്ളി പഞ്ചാബ് മുസ്ലിം പള്ളിക്ക് സമീപം വച്ച് സംശയസ്പദമായി കണ്ട ഇയാളെ പരിശോധിച്ചതില്‍ പാന്റിന്റെ വലതു പോക്കറ്റില്‍ നിന്നും മെത്തഫിറ്റമിന്‍ കണ്ടെടുക്കുകയായിരുന്നു. ഇയാള്‍ മുന്‍പും നിരവധി കേസുകളില്‍ പ്രതിയാണ്. ഇയാള്‍ക്ക് കല്‍പ്പറ്റ സ്റ്റേഷനിലും മാനന്തവാടി, കല്‍പ്പറ്റ എക്‌സൈസിലും ലഹരിക്കേസുകളുണ്ട്. കല്‍പ്പറ്റ സബ് ഇന്‍സ്പെക്ടര്‍ വിമല്‍ ചന്ദ്രന്റെ നേതൃത്വത്തിലായിരുന്നു പരിശോധന.
