പുൽപ്പള്ളി വിജയ ഹയർ സെക്കൻഡറി സ്കൂളിലെ എം എ വിശ്വപ്പൻ മാസ്റ്റർ നഗറിൽ  ജില്ലാ പ്രസിഡന്റ്‌ എ ഇ സതീഷ് ബാബു പതാക ഉയർത്തി. വി ശിവദാസൻ എംപി ഉദ്ഘാടനം ചെയ്തു. എ ഇ സതീഷ് ബാബു അധ്യക്ഷനായി. സംസ്ഥാന സെക്രട്ടറി പി ജെ ബിനേഷ് ഗുരു കാരുണ്യ എൻഡോവ്മെന്റ്‌ വിതരണം ചെയ്തു. എഫ്എസ്ഇടിഒ ജില്ലാ സെക്രട്ടറി കെ അബ്ദുൾ ഗഫൂർ, കെഎസ്ടിഎ സംസ്ഥാന കമ്മിറ്റി അംഗം വി എ ദേവകി എന്നിവർ സംസാരിച്ചു. സ്വാഗതസംഘം ചെയർമാൻ ബൈജു നമ്പിക്കൊല്ലി സ്വാഗതവും കെഎസ്ടിഎ ജില്ലാ സെക്രട്ടറി ടി രാജൻ നന്ദിയും പറഞ്ഞു.
എ കെ സുകുമാരി രക്തസാക്ഷി പ്രമേയവും ബിനു മോൾ ജോസ് അനുശോചന പ്രമേയവും ജില്ലാ ട്രഷറർ പി ബിജു വരവുചെലവ് കണക്കും അവതരിപ്പിച്ചു. സംസ്ഥാന എക്സിക്യൂട്ടീവ് അംഗം കെ ഷാജിമ അവതരിപ്പിച്ച സംഘടനാ റിപ്പോർട്ടിലും ജില്ലാ സെക്രട്ടറി ടി രാജൻ അവതരിപ്പിച്ച പ്രവർത്തന റിപ്പോർട്ടിലും ഗ്രൂപ്പ് ചർച്ചയും പൊതുചർച്ചയും നടത്തി.
വൈകിട്ട്  ടൗണിൽ അധ്യാപക പ്രകടനം നടത്തി. വി എസ് അച്യുതാനന്ദൻ നഗറിൽ (പുൽപ്പള്ളി ടൗൺ) പൊതുസമ്മേളനം കെഎസ്‌കെടിയു സംസ്ഥാന ജനറൽ സെക്രട്ടറി എൻ ചന്ദ്രൻ ഉദ്ഘാടനം ചെയ്തു. എ ഇ സതീഷ് ബാബു അധ്യക്ഷനായി.  പി ജെ ബിനേഷ്, കെഎസ്ടിഎ സംസ്ഥാന വൈസ് പ്രസിഡന്റ്‌ പി എസ് സ്മിജ, വി എ ദേവകി, എം എസ്‌ സുരേഷ്‌ ബാബു, ബൈജു നന്പിക്കൊല്ലി എന്നിവർ സംസാരിച്ചു. കെ രാജൻ സ്വാഗതവും പി ബിജു നന്ദിയും പറഞ്ഞു.  പ്രതിനിധികളുടെ കലാപരിപാടികളുമുണ്ടായി. 
ഞായർ രാവിലെ ഒമ്പതിന് ചർച്ചയ്ക്ക് ഭാരവാഹികളുടെ മറുപടി. 11ന് ട്രേഡ് യൂണിയൻ സമ്മേളനം സുരേഷ് മാസ്റ്റർ നഗറിൽ (വിജയ ഹയർ സെക്കൻഡറി) സിഐടിയു ജില്ലാ വൈസ് പ്രസിഡന്റ്‌ കെ റഫീഖ് ഉദ്ഘാടനം ചെയ്യും. വിവിധ ട്രേഡ് യൂണിയൻ നേതാക്കൾ സംസാരിക്കും. തുടർന്ന് പ്രമേയ അവതരണം. പുതിയ ഭാരവാഹികളെ തെരഞ്ഞെടുത്ത് സമ്മേളനം അവസാനിക്കും.