മാനന്തവാടി എക്സൈസ് സര്‍ക്കിള്‍ ഇന്‍സ്പെക്ടര്‍എസ്.ബൈജുവിന്റെ നേതൃത്വത്തില്‍ ബാവലി എക്‌സ്സൈസ് ചെക്ക് പോസ്റ്റില്‍ നടത്തിയ സംയുക്ത വാഹന പരിശോധനയില്‍ ബസ്സ് യാത്രക്കാരനില്‍ നിന്നും  205 ഗ്രാം  കഞ്ചാവ് കണ്ടെടുത്തു. വൈത്തിരി , പൊഴുതന അത്തിമൂല  കീച്ചേരി വീട്ടില്‍ ജെസീര്‍ കെ സി (36) ആണ് വില്പനക്കായി കഞ്ചാവ് കൊണ്ടുപോകവെ ബാവലിയില്‍ അറസ്റ്റിലായത്. പ്രിവന്റീവ് ഓഫീസര്‍മാരായ അരുണ്‍പ്രസാദ്.ഇ,  സജി മാത്യു, സിവില്‍ എക്‌സൈസ് ഓഫീസര്‍മാരായ മഹേഷ്.എം,മാനുവല്‍ ജിംസണ്‍, അര്‍ജുന്‍.എം,  ഡ്രൈവര്‍ സജീവ്.കെ.കെ എന്നിവരും എക്‌സൈസ് സംഘത്തില്‍ ഉണ്ടായിരുന്നു.