ബത്തേരി: യുവാവിനെ അക്രമിച്ചു പരിക്കേല്‍പ്പിച്ചയാള്‍ പിടിയില്‍. കൃഷ്ണഗിരി പാതിരിപ്പാലം കൈതകാട്ടില്‍  നവീന്‍ ദിനേഷ്(24)ആണ് ബത്തേരി പൊലിസ് പിടികൂടിയത്. മീനങ്ങാടിയില്‍ വെച്ചാണ് ഇയാള്‍ പിടിയിലായത്.കഴിഞ്ഞ  തിങ്കളാഴ്ച രാത്രി സുല്‍ത്താന്‍ ബത്തേരി ഗാന്ധി ജംഗ്ഷനില്‍ വെച്ച് നെല്ലറച്ചാല്‍ സ്വദേശിയെ കൈകൊണ്ടടിച്ചും ചവിട്ടിയും ആയുധം കൊണ്ട് തലക്കടിച്ചു പരിക്കേല്‍പ്പിച്ച കേസിലാണ് അറസ്റ്റ്. ഇയാള്‍ക്കെതിരെ ബത്തേരി സ്റ്റേഷനില്‍ നിരവധി കേസുകളുണ്ട്.