സംസ്ഥാനത്തെ മദ്യവില്‍പ്പന ഓണ്‍ലൈനിലേക്ക്. ഓണ്‍ലൈന്‍ മദ്യ വില്‍പ്പനയ്ക്കുള്ള വിശദമായ ശുപാര്‍ശ ബെവ്‌കോ എംഡി ഹര്‍ഷിത അട്ടല്ലൂരി സര്‍ക്കാരിന് സമര്‍പ്പിച്ചു. വരുമാന വദ്ധനവ് ലക്ഷ്യമിട്ടാണ് ബെവ്‌കോയുടെ പുതിയ നീക്കം.2000 കോടി രൂപയുടെ വരമാന വര്‍ദ്ധനവാണ് ബെവ്‌കോ പ്രതീക്ഷിക്കുന്നത്. ഓണ്‍ലൈന്‍ മദ്യവില്‍പ്പനയ്ക്കായി ബെവ്‌കോ മൊബൈല്‍ ആപ്ലിക്കേഷനും തയ്യാറാക്കി. നിബന്ധനകള്‍ക്ക് വിധേയമായിട്ടാകും ഓണ്‍ലൈന്‍ മദ്യ വില്‍പന. സ്വിഗ്ഗിയടക്കമുള്ള ഓണ്‍ലൈന്‍ ഡെലിവറി പ്ലാറ്റ്‌ഫോമുകള്‍ താത്പര്യം അറിയിച്ച് മുന്നോട്ടുവന്നിട്ടുണ്ടെന്ന് ബെവ്‌കോ എംഡി ഹര്‍ഷിത അട്ടല്ലൂരി വ്യക്തമാക്കി. മൂന്ന് വര്‍ഷം മുന്‍പ് ഓണ്‍ലൈന്‍ മദ്യ വില്‍പനയ്ക്ക് ബെവ്‌കോ സര്‍ക്കാരിനോട് അനുമതി തേടിയിരുന്നെങ്കിലും നല്‍കിയിരുന്നില്ല. 23വയസിന് മുകളിലുള്ളവര്‍ക്കായിരിക്കും ഓണ്‍ലൈനില്‍ മദ്യം വാങ്ങാന്‍ കഴിയുക. ഇതിനായി പ്രായം തെളിയിക്കുന്ന രേഖ നല്‍കണം.
