നെല്ലിയമ്പത്ത് എല്‍ ഡി എഫിന്റെ തിരഞ്ഞെടുപ്പ് പോസ്റ്ററുകള്‍ വ്യാപകമായി സാമൂഹ്യ വിരുദ്ധര്‍ നശിപ്പിച്ചതായി പരാതി .എല്‍ ഡി എഫ് പ്രവര്‍ത്തകരുടെ പരാതിയില്‍ പനമരം പോലീസ് കേസ്സെടുത്തു.കഴിഞ്ഞ രാത്രിയാണ് നെല്ലിയമ്പം ടൗണ്‍ ,സ്‌കൂള്‍റോഡ് എന്നിവടങ്ങളില്‍ സ്ഥാപിച്ച പോസ്റ്ററുകള്‍ പാടെ നശിപ്പിച്ചത്. പോസ്റ്ററില്‍ സ്ഥാനാര്‍ത്ഥിയുടെ ഫോട്ടോയില്‍ എതിര്‍ സ്ഥാനാര്‍ത്ഥിയുടെ സ്റ്റിക്കര്‍ പതിപ്പിച്ച നിലയിലും കണ്ടെത്തി. കഴിഞ്ഞ തിരഞ്ഞെടുപ്പിലും ഇത്തരത്തില്‍ സംഭവങ്ങള്‍ ഉണ്ടായതായി എല്‍ ഡി എഫ് പ്രവര്‍ത്തകര്‍ പറഞ്ഞു. പനമരം പോലീസ് സ്ഥലത്ത് എത്തി പരിശോധന നടത്തി.
