കൊവിഡ് കേസുകള്‍ വര്‍ധിക്കുന്ന തമിഴ്നാട്ടില് ഇന്ന് സമ്പൂര്‍ണ ലോക്ക്ഡൗണ്‍. ജനുവരി 9 മുതല്‍ സംസ്ഥാനത്ത് വീണ്ടും ഞായറാഴ്ച ലോക്ക്ഡൗണ്‍ ഏര്‍പ്പെടുത്തിയിരുന്നു. നിയന്ത്രണങ്ങളുടെ ഭാഗമായി, റെസ്റ്റോറന്റുകള്‍ക്ക് രാവിലെ 7 മുതല്‍ രാത്രി 10 വരെ ടേക്ക് എവേ സേവനങ്ങള്‍ മാത്രമേ അനുവാദമുള്ളൂ. അവശ്യ സേവന തൊഴിലാളികള്‍ക്ക് ജോലി തുടരാന്‍ അനുവാദമുണ്ട്.പൊതുഗതാഗത സേവനങ്ങള്‍ താല്‍ക്കാലികമായി നിര്‍ത്തിവച്ചു.ഞായറാഴ്ച ലോക്ക്ഡൗണ്‍ ഉണ്ടെങ്കിലും വിവാഹം ഉള്‍പ്പെടെയുള്ള കുടുംബ ചടങ്ങുകളില്‍ പങ്കെടുക്കാന്‍ അനുവാദമുണ്ട്.100 പേര്‍ക്ക് മാത്രമേ അനുവാദമുള്ളൂ.സ്‌കൂളുകള്‍,കിന്റര്‍ഗാര്‍ഡന്‍,കോച്ചിംഗ് സെന്ററുകള്‍ തുടങ്ങിയവ ഭാഗീകമായി അടച്ചുപൂട്ടുന്നതും പൊതുഗതാഗത്തിനുള്ള നിയന്ത്രണം ഉള്‍പ്പെടെ മറ്റ് കൊവിഡ് നിയന്ത്രണങ്ങള്‍ ജനുവരി 31 വരെ നീട്ടി.ജനുവരി 6 മുതല്‍ സംസ്ഥാനത്ത് രാത്രി കര്‍ഫ്യൂ നിലവിലുണ്ട്. ജനത്തിരക്ക് തടയാന്‍ ജനുവരി 14 മുതല്‍ 18 വരെ എല്ലാ ആരാധനാലയങ്ങളും സംസ്ഥാനത്തുടനീളം അടച്ചിട്ടിരിക്കുകയാണ്. അതേസമയം തമിഴ്നാട്ടില് ശനിയാഴ്ച 23,978 പേര്‍ക്ക് കൂടി കൊവിഡ് സ്ഥിരീകരിച്ചിരുന്നു. ഇത് തുടര്‍ച്ചയായ രണ്ടാം ദിവസമാണ് പ്രതിദിന കണക്ക് 23,000 ന് മുകളിലെത്തുന്നത്. ശനിയാഴ്ച 11 മരണവും റിപ്പോര്‍ട്ട് ചെയ്തു.
