സുചന പണിമുടക്ക് നടത്തി

0

ഓള്‍ കേരളാ ഡിസ്ട്രിബ്യൂട്ടേഴ്‌സ് അസോസിയേഷന്‍ സംസ്ഥാന വ്യാപകമായി നടത്തുന്ന പണിമുടക്കിന്റെ ഭാഗമായി വയനാട് ജില്ലയിലും പണിമുടക്ക് പൂര്‍ണ്ണം.റ്റാറ്റ കണ്ണന്‍ദേവന്‍ ചായ, ഉപ്പ് എന്നിവയുടെ വിതരണക്കാരെ അകാരണമായി പിരിച്ചുവിട്ടതില്‍ പ്രതിഷേധിച്ചും,ലാഭ വിഹിതം വെട്ടിക്കുറിച്ചതിനെതിരെയും കമ്പനിയുടെ ധിക്കാര നടപടിക്കെതിരെയും പ്രതിഷേധിച്ചാണ് കല്‍പ്പറ്റയില്‍ സുചന പണിമുടക്ക് നടത്തിയത്. വിതരണ വാഹനങ്ങള്‍ നിരത്തില്‍ ഇറങ്ങാതെയും സ്ഥാപനങ്ങള്‍ പ്രവര്‍ത്തിക്കാതെ 3 താലൂക്ക് ആസ്ഥാനങ്ങളില്‍ ധര്‍ണ നടത്തി. കേരള വ്യാപാരി വ്യവസായി ഏകോപന സമിതി വയനാട് ജില്ലാ പ്രസിഡന്റ് .കെ.കെ.വാസുദേവന്‍ ഉദ്ഘാടനം ചെയ്തു. എകെഡിഎ ജില്ലാ പ്രസിഡന്റ് എ.പി.ശിവദാസ് അധ്യക്ഷനായി. ജില്ലാ സെക്രട്ടറി ഹാരിസ്, ഫൈസല്‍ പാപ്പിന, വേണു ഗോപാല്‍ കിഴിശ്ശേരി, എം കെ സി റഷീദ് എന്നിവര്‍ സംസാരിച്ചു.

Leave A Reply

Your email address will not be published.

error: Content is protected !!