കഞ്ചാവുമായി യുവാക്കളെ പിടികൂടി. കല്‍പ്പറ്റ വെള്ളാരകുന്ന് സ്വദേശി അഫ്സല്‍, റാട്ടകൊല്ലി സ്വദേശി ബിന്‍ഷാദ് എന്നിവരെയാണ് പിടികൂടിയത്. രഹസ്യവിവരത്തെ തുടര്‍ന്ന് കല്‍പ്പറ്റ അനന്തവീര തീയേറ്ററിന് സമീപത്തുവെച്ച് എക്സൈസ് സര്‍ക്കിള്‍ ഇന്‍സ്പെക്റ്റര്‍ ടോമിയുടെ നേതൃത്വത്തിലുള്ള സംഘമാണ് ഇവരെ പിടികൂടിയത്. ഇവരില്‍ നിന്നും 60 ഗ്രാം കഞ്ചാവ് കണ്ടെടുത്തു. ഇവരുടെ കെഎല്‍ 12 കെ 8651 നമ്പര്‍ സ്‌കൂട്ടറും കസ്റ്റഡിയിലെടുത്തു. വിദ്യാര്‍ത്ഥികളെ കേന്ദ്രീകരിച്ച് വില്‍പ്പന നടത്താനായി കൊണ്ടുവന്നതാണ് കഞ്ചാവെന്നാണ് വിവരം.
