കരുങ്ങു പനി റിപ്പോര്‍ട്ട് ചെയ്യപ്പെട്ട തിരുനെല്ലി പഞ്ചായത്തില്‍ കുരങ്ങുപനി പ്രതിരോധ പ്രവര്‍ത്തനങ്ങള്‍ ആരോഗ്യ വകുപ്പ് ഊര്‍ജ്ജിതമാക്കി. ബേഗൂര്‍ ഫോറസ്റ്റ് സ്റ്റേഷന്‍ പരിസരം, കൊല്ലി കോളനി എന്നിവിടങ്ങളിലും കുരങ്ങ് ചത്തു കിടന്ന സ്ഥലങ്ങളിലും ആരോഗ്യപ്രവര്‍ത്തകരും വനം വകുപ്പ് ജീവനക്കാരും ചേര്‍ന്ന് ചെള്ള് ശേഖരണവും ചെള്ളിനെ നശിപ്പിക്കാനുള്ള കീടനാശിനിയും തളിച്ചു. പനി നിരീക്ഷണത്തിന്റെ ഭാഗമായി വെള്ളിയാഴ്ച 432 വീടുകള്‍ സന്ദര്‍ശിക്കുകയും പനിയുള്ള ഒരാളെ അപ്പപ്പാറ കുടുംബാരോഗ്യ കേന്ദ്രത്തില്‍ ചികിത്സിക്കുകയും ചെയ്തു. 318 പേര്‍ക്ക് കുരങ്ങുപനി പ്രതിരോധ വാക്സിന്‍ നല്‍കി.
