ഭാരതീയ വിദ്യാനികേതന്‍ വയനാട് ജില്ലാ കലോല്‍സവം നവംബര്‍: 9, 10 തിയതികളില്‍ കല്ലൂര്‍ ഗവ: ഹയര്‍ സെക്കണ്ടറി സ്‌ക്കൂളില്‍ നടക്കുമെന്ന് ഭാരവാഹികള്‍ വാര്‍ത്ത സമ്മേളനത്തില്‍ അറിയിച്ചു. മേള ബത്തേരി എം.എല്‍.എ., ഐ.സി ബാലകൃഷ്ണന്‍ ഉദ്ഘാടനം ചെയ്യും. സ്റ്റേജിതര മല്‍സരങ്ങള്‍ എട്ടാം തീയ്യതി കണിയാമ്പറ്റ വിദ്യാനികേതന്‍ സ്‌ക്കൂളില്‍ നടക്കും.കലോത്സവത്തില്‍ ജില്ലയിലെ 17 സ്‌ക്കൂളുകളില്‍ നിന്നായി 4000 ത്തോളം വിദ്യാര്‍ത്ഥികള്‍ പങ്കെടുക്കും.വാര്‍ത്ത സമ്മേളനത്തില്‍ ഇ.പി.മോഹന്‍ദാസ്, ഇ.കെ.പ്രഭാകരന്‍, പി.കെ ബാലന്‍, വി.എസ്.ജിതേഷ്, വി.പി ശ്രീജയന്‍ മാസ്റ്റര്‍ എന്നിവര്‍ പങ്കെടുത്തു.
