കര്‍ണാടകയില്‍ നിന്ന് കുടിയേറി താമസമാക്കിയ ഉഡുപ്പി ബ്രാഹ്മണ സഭയുടെ വാര്‍ഷിക പൊതുയോഗം ശനിയാഴ്ച രാവിലെ 11.30ന് കല്‍പ്പറ്റ മകരജ്യോതി ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ കല്‍പ്പറ്റയില്‍ പറഞ്ഞു. കര്‍ണാടക വിദ്യാഭ്യാസ മന്ത്രി എസ്. സുരേഷ് പരിപാടി ഉദ്ഘാടനം ചെയ്യും. കല്‍പ്പറ്റ ബ്ലോക്ക് പഞ്ചായത്ത് പ്രസിഡണ്ട് ഉഷ തമ്പി മുഖ്യപ്രഭാഷണം നടത്തും. ചടങ്ങില്‍ വിവിധ സാമുദായിക സംഘടനാ പ്രതിനിധികള്‍ പങ്കെടുക്കുമെന്നും ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. കഴിഞ്ഞ നാലു വര്‍ഷമായി വിവിധ സേവന പ്രവര്‍ത്തനങ്ങളുമായി ഉഡുപ്പി ബ്രാഹ്മണസഭ ജില്ലയില്‍ സജീവമാണെന്ന് ഭാരവാഹികള്‍ വ്യക്തമാക്കി. വാര്‍ത്താസമ്മേളനത്തില്‍ ജില്ലാ പ്രസിഡന്റ് ലക്ഷ്മിനാരായണന്‍, സെക്രട്ടറി ശ്രീനിവാസന്‍, കൃഷ്ണരാജ്, ശ്രീധരന്‍ എന്നിവര്‍ പങ്കെടുത്തു.
