സംസ്ഥാന സര്‍ക്കാര്‍ വന്‍കിട തോട്ടം മാഫിയക്ക് ഒത്താശ ചെയ്യുന്ന നടപടികളാണ് സ്വീകരിക്കുന്നതെന്ന് സി.പി.ഐ.എം.എല്‍ റെഡ്സ്റ്റാര്‍ ഭാരവാഹികള്‍ കല്‍പ്പറ്റയില്‍ വാര്‍ത്താ സമ്മേളനത്തില്‍ പറഞ്ഞു. തൊവരിമല സമരത്തെ അടിച്ചൊതുക്കാനാണ് സംസ്ഥാന സര്‍ക്കാര്‍ ശ്രമിക്കുന്നത്. ഇതിന്റെ ഭാഗമാണ് കഴിഞ്ഞ നാല് ദിവസമായി കളക്ടറേറ്റ് പടിക്കല്‍ നടത്തുന്ന സമരം ഒത്തുതീര്‍പ്പാക്കാന്‍ ഒരു നടപടിയും ഇല്ലാതിരിക്കുന്നത്. സമരം അവഗണിച്ചാല്‍ കൂടുതല്‍ പേരെ അണിനിരത്തി സമരം ശക്തമാക്കുമെന്ന് നേതാക്കള്‍ പറഞ്ഞു. പി.ജെ ജെയിംസ്, എം.കെ ദാസന്‍, സാം പി മാത്യു, തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
