പുല്‍പ്പള്ളി: ശശിമല പള്ളിയില്‍ സംസ്‌കാര ചടങ്ങുകള്‍ക്കിടെ പള്ളിക്കെട്ടിടത്തിലുണ്ടായിരുന്ന തേനീച്ചക്കൂട് ഇളകി ആളുകളെ കുത്തുകയായിരുന്നു. 15-ഓളം പേര്‍ക്ക് പരിക്കേറ്റു. ഇവരെ പുല്‍പ്പള്ളിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഗോപന്‍, സാജന്‍ മാത്യു, സിസ്റ്റര്‍. സെലിന്‍, ജോസ്, ബിന്‍സി, ബീന, അന്നക്കുട്ടി, ഏലിയാമ്മ, സിജു, ഏലമ്മ, രാജമ്മ ജോയി, ബെന്നി എന്നിവര്‍ക്കാണ് പരിക്കേറ്റത്. കടുത്ത ചുടിനെ തുടര്‍ന്ന് തേനിച്ചക്കൂട്ടം ഇളകിയതെന്നാണ് സുചന. വ്യാഴാഴ്ച്ച വൈകിട്ടോടെയായിരുന്നു സംഭവം.
