ടാറ്റു ഷെഡില് എം.ഡി.എം.എ വില്പ്പന നടത്തുമ്പോള് മൂന്ന് യുവാക്കളെ ഷെഡ് വളഞ്ഞ് പിടികൂടി മീനങ്ങാടി പോലീസ്. മീനങ്ങാടി, പുഴംകുനി, പുത്തന്പുരക്കല് വീട്ടില്, ജിത്തു പി സുകുമാരന് (29), വാങ്ങാന് ശ്രമിച്ച പുറക്കാടി, പുഴംകുനി, ശ്രീനിലയം വീട്ടില് എ.കെ. ശ്രീജിത്ത് (34), പള്ളിക്കുന്ന്, ശ്രീഭവന്, ഡി.എസ്. ശ്രീജിത്ത്(28) എന്നിവരെയാണ് അറസ്റ്റ് ചെയ്തത്. 0.54 ഗ്രാം എം.ഡി.എം.എ ഇവരില് നിന്നും കണ്ടെടുത്തു. ശനിയാഴ്ച രാത്രി 10 മണിയോടെയാണ് സംഭവം. ടാറ്റു ഷെഡില് ലഹരി വില്പനയുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് പോലീസ് എത്തിയത്. പരിസരം വളഞ്ഞ് നിരീക്ഷിച്ച ശേഷം ലഹരി വില്പ്പന ആണെന്ന് ഉറപ്പാക്കിയ ശേഷം കസ്റ്റഡിയില് എടുക്കുകയായിരുന്നു. മീനങ്ങാടി എസ്.ഐ അബ്ദുൽ റസാക്കിന്റെ നേതൃത്വത്തിലുള്ള പൊലീസ് സംഘമാണ് പിടികൂടിയത്.