ദേശീയപാത 766 ല്‍ മുത്തങ്ങയില്‍ ദോസ്ത് പിക്കപ്പും ഓട്ടോറിക്ഷയും കൂട്ടിയിടിച്ച് ഓട്ടോറിക്ഷ ഡ്രൈവര്‍ക്കും യാത്രക്കാരിക്കും ഗുരുതര പരുക്കേറ്റു. ഓട്ടോ ഡ്രൈവര്‍ മുത്തങ്ങ കാളക്കണ്ടി അര്‍ഷാദ് (25), യാത്രക്കാരി ആലത്തൂര്‍ പണിയ കോളനിയിലെ രമ്യ (35) എന്നിവര്‍ക്കാണ് പരുക്കേറ്റത്. ഗുരുതര പരുക്കേറ്റ ഇരുവരെയും ആദ്യം സുല്‍ത്താന്‍ ബത്തേരി സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. ഇന്ന് ഉച്ചയോടെ മുത്തങ്ങ എടത്തറയ്ക്ക് സമീപമാണ് അപകടം. മുത്തങ്ങ ഭാഗത്തേക്ക് പോകുന്ന ദോസ്ത് എതിരെ വരുകയായിരുന്ന ഓട്ടോറിക്ഷയുമായി കൂട്ടിയിടിച്ചാണ് അപകടം.
