സിബിഎസ്ഇ പ്ലസ് ടു ഫലം പ്രഖ്യാപിച്ചു. 87.98 ശതമാനമാണ് വിജയം. കഴിഞ്ഞതവണത്തേക്കാള് വിജയ ശതമാനത്തില് നേരിയ വര്ധനവുണ്ടായിട്ടുണ്ട്. മേഖലകളില് മികച്ച വിജയം കൈവരിച്ചിരിക്കുന്നത് തിരുവനന്തപുരമാണ്. 99.91 ശതമാനമാണ് വിജയം. വിജയവാഡ 99.04 ശതമാനവും ചെന്നൈ 98.47 ശതമാനവും ബെംഗളൂരു 96.95 ശതമാനവുമാണ് വിജയം. 16,21,224 വിദ്യാര്ത്ഥികളാണ് പരീക്ഷ എഴുതിയത്.
പരീക്ഷ എഴുതിയ 91.52 ശതമാനം പേരും വിജയിച്ചപ്പോള് ആണ്കുട്ടികളില് 85.12 ശതമാനം പേരാണ് വിജയിച്ചത്. മികച്ച രീതിയില് പരീക്ഷ പൂര്ത്തിയാക്കാന് സാധിച്ചെന്നും ഫലം പ്രതീക്ഷിച്ചതുപോലെ പ്രഖ്യാപിക്കാന് കഴിഞ്ഞെന്നുമാണ് സിബിഎസ്ഇ അറിയിച്ചിരിക്കുന്നത്. 16,33,730 വിദ്യാര്ത്ഥികളാണ് പരീക്ഷക്ക് രജിസ്റ്റര് ചെയ്തിരുന്നത്.16,21,224 പേരാണ് പരീക്ഷ എഴുതിയത്. കഴിഞ്ഞതവണ 87.33 ശതമാനമായിരുന്നു വിജയം. ഇത്തവണ 0.65 ശതമാനമാണ് വര്ധനവ്.
