ബാവലി എക്സൈസ് ഇന്‍സ്‌പെക്ടര്‍ എ.മുരുകദാസും സംഘവും ബാവലി ചെക്ക് പോസ്റ്റില്‍ വാഹന പരിശോധന നടത്തുന്നതിനിടെ ബൈക്ക് യാത്രികനായ യുവാവില്‍ നിന്നും മാരക മയക്കുമരുന്നായ എംഡിഎംഎ പിടികൂടി. മാനന്തവാടി കണിയാരം പൊട്ടുകുളത്ത് വീട്ടില്‍ പി.അനുരാഗ് ആണ് പിടിയിലായത്. ഇയാളുടെ പക്കല്‍ നിന്നും 9 ഗ്രാം എംഡിഎംഎ പിടിച്ചെടുത്തു. പ്രതിക്കെതിരെ എന്‍.ഡി.പി.എസ് ആക്ട് പ്രകാരം കേസ് രജിസ്റ്റര്‍ ചെയ്തു. എക്സൈസ് ഇന്റലിജന്‍സ്പ്രിവന്റീവ് ഓഫീസര്‍ വി.രാജേഷ്, സിവില്‍ എക്സൈസ് ഓഫീസര്‍മാരായ വി.കെ വൈശാഖ്, എം.അര്‍ജുന്‍, നിക്കോളാസ് ജോസ് എന്നിവരും എക്സൈസ് സംഘത്തില്‍ ഉണ്ടായിരുന്നു.
