ലോകാരോഗ്യ ദിനാചരണത്തിന്റെ ഭാഗമായി ഈ വര്‍ഷത്തെ മുദ്രാവാക്യമായ ‘എല്ലാവര്‍ക്കും ആരോഗ്യം’ എന്ന സന്ദേശം പ്രചരിപ്പിക്കുന്നതിനായി ഡോ. മൂപ്പന്‍സ് മെഡിക്കല്‍ കോളേജും ജെസിഐ കല്‍പ്പറ്റയും സംയുക്തമായി കല്‍പ്പറ്റ പുതിയ ബസ് സ്റ്റാന്റില്‍ സംഘടിപ്പിച്ച സൗജന്യ ഹെല്‍ത്ത് ചെക്കപ്പും ബോധവല്‍ക്കരണവും നടത്തി.ഡോ. മൂപ്പന്‍സ് മെഡിക്കല്‍ കോളേജിലെ കമ്യൂണിറ്റി വിഭാഗം മെഡിസിന്‍ മേധാവി ഡോ. സുദര്‍ശന്‍ ബി.പി. ഉദ്ഘാടനം ചെയ്തു. ജെസിഐ കല്‍പ്പറ്റ ഓര്‍ഗനൈസേഷന്‍ പ്രസിഡന്റ് ബേബി നാപ്പള്ളി അധ്യക്ഷനായിരുന്നു.ഡോ. മൂപ്പന്‍സ് മെഡിക്കല്‍ കോളേജ് എ ജി എം ഡോ.ഷാനവാസ് പള്ളിയാല്‍, ഡോ. പാര്‍വണേന്ദു എം, ഡോ. നൂര്‍ജഹാന്‍ എസ് , ഇ.വി. അബ്രഹാം, ടി.എന്‍. ശ്രീജിത്ത്, ബി.മുഹമ്മദ് ബഷീര്‍,മുഹമ്മദ് സക്കറിയ, സംഗീത സി.ജി., റെനില്‍ മാത്യൂസ്, സജീഷ് കുമാര്‍ എം, ഷാജി പോള്‍എന്നിവര്‍ സംസാരിച്ചു. മെഡിക്കല്‍ ചെക്കപ്പിന്റെ ഭാഗമായി സൗജന്യമായി ഷുഗര്‍, ബ്ലഡ് പ്രഷര്‍ എന്നിവയും നോക്കി നല്‍കി.
