ഞായറാഴ്ച രാത്രിയിലാണ് ബത്തേരി ബീനാച്ചി എസ്റ്റേറ്റിന്റെ മുഖ്യകവാടത്തിന് എതിര്‍വശത്തുള്ള ഇലക്ട്രിക് പോസ്റ്റില്‍ പോസ്റ്ററുകള്‍ പ്രത്യക്ഷപ്പെട്ടത്. ഐ.സി ബാലകൃഷ്ണന്‍ എം.എല്‍.എ,കെ.എല്‍ പൗലോസ്,കെ.ഇ വിനയന്‍ എന്നിവരുടെ ഫോട്ടോ പതിച്ച് അതില്‍ ക്രിമിനല്‍സ് എന്ന രേഖപ്പെടുത്തിയിട്ടുണ്ട്.ഡി.സി.സി പ്രസിഡണ്ടിനെ കയ്യേറ്റം ചെയ്യാന്‍ കൂട്ടുനിന്ന ഇവരെ പുറത്താക്കണമെന്നും പോസ്റ്ററില്‍ പറയുന്നുണ്ട്.പക്ഷേ പോസ്റ്റര്‍ ആരാണ് പതിച്ചത് എന്നുള്ളതിനെ കുറിച്ച് ഒരു സൂചനയും ഇതില്‍ നല്‍കുന്നില്ല.കഴിഞ്ഞദിവസം മുള്ളന്‍കൊല്ലിയില്‍ ഡിസിസി പ്രസിഡന്റിനെതിരെ കയ്യേറ്റശ്രമം ഉണ്ടായിരുന്നു.ഇതിനു പിന്നാലെയാണ് പോസ്റ്ററുകള്‍ പ്രത്യക്ഷപ്പെട്ടിരിക്കുന്നത്.കോണ്‍ഗ്രസിനുള്ളിലെ ഗ്രൂപ്പിസമാണ് പോസ്റ്ററുകള്‍ക്ക് പിന്നില്‍ എന്നാണ് സൂചന.
ബത്തേരിയില്‍ കോണ്‍ഗ്രസ് നേതാക്കള്‍ക്കെതിരെ പോസ്റ്റര്‍.
