- Advertisement -

- Advertisement -

എഴുപതിനായിരം ബിപിഎല്‍ കുടുംബങ്ങള്‍ക്ക് കെ-ഫോണ്‍ വഴി സൗജന്യ ഇന്റര്‍നെറ്റ്

0

 

സംസ്ഥാനത്തെ എഴുപതിനായിരം ബിപിഎല്‍ കുടുംബങ്ങള്‍ക്ക് കെഫോണ്‍ വഴി സൗജന്യ ഇന്റര്‍നെറ്റ് നല്‍കാന്‍ സര്‍ക്കാര്‍ തീരുമാനം.സംസ്ഥാനത്തെ എഴുപതിനായിരം ബിപിഎല്‍ കുടുംബങ്ങളെ ഇതിനായി തെരഞ്ഞെടുത്തു. ഒരു അസംബ്ലി മണ്ഡലത്തിലെ 500 പേര്‍ക്കാണ് സൗജന്യ കണക്ഷന്‍ നല്‍കുക. എല്ലാ തദ്ദേശഭരണ സ്ഥാപനങ്ങളും ഇതില്‍ ഉള്‍പ്പെടും. ഒരാള്‍ക്ക് കണക്ഷന്‍ നല്‍കാന്‍ 5000 രൂപയും പ്രതിമാസ ചെലവായി 300 രൂപയും ചെലവാകുമെന്നാണ് കേരള സ്റ്റേറ്റ് ഐ.ടി ഇന്‍ഫ്രാസ്ട്രക്ചര്‍ ലിമിറ്റഡ് സര്‍ക്കാരിന് ശുപാര്‍ശ നല്‍കിയത്.ഇതിലൂടെ കണക്ഷന്‍ നല്‍കാനായി മാത്രം 35 കോടി രൂപ ചെലവാകും. ഇതിനു പുറമെ ഒരു മാസം 2.1 കോടി പ്രതിമാസ ചെലവായി വേണ്ടി വരും. ഇതിനായി ഐടി ഇന്‍ഫ്രാസ്ട്രക്ചര്‍ ലിമിറ്റഡിന്റെ എല്ലാ ഫണ്ടും കെ ഫോണിന് നല്‍കാന്‍ സര്‍ക്കാര്‍ ഉത്തരവിറക്കി. ഇന്റര്‍നെറ്റ് സേവന ദാതാവിനെ കെ ഫോണ്‍ തെരഞ്ഞെടുക്കുന്നതുവരെ പ്രാദേശിക സേവന ദാതാക്കളെ ഉപയോഗിച്ച് കണക്ഷന്‍ നല്‍കാനാണ് നിര്‍ദ്ദേശം.എന്നാല്‍ പദ്ധതി നടപ്പാക്കാന്‍ ഫണ്ട് ഒരു തടസമല്ലെന്ന് സര്‍ക്കാര്‍ നിലപാട് വ്യക്തമാക്കുകയായിരുന്നു. ഇന്റര്‍നെറ്റ് സേവന ദാതാവിനെ കെ ഫോണ്‍ തെരഞ്ഞെടുക്കുന്നതുവരെ പ്രാദേശിക ഇന്റര്‍നെറ്റ് സേവന ദാതാക്കളില്‍ നിന്നും പ്രാദേശിക കേബിള്‍ ഓപ്പറേറ്റര്‍മാരില്‍ നിന്നും കണക്ഷന്‍ ബിപിഎല്‍ കുടുംബങ്ങള്‍ക്ക് നല്‍കണം. കെ ഫോണിന്റെ പോസ്റ്റില്‍ നിന്നായിരിക്കണം കണക്ഷന്‍ നല്‍കേണ്ടതെന്നും അഡീഷണല്‍ ചീഫ് സെക്രട്ടറി ബിശ്വനാഫ് സിന്‍ഹ നിര്‍ദ്ദേശം നല്‍കി

Leave A Reply

Your email address will not be published.

You cannot copy content of this page