- Advertisement -

- Advertisement -

വായിച്ചു മാത്രമല്ല ഇനി കേട്ടും പഠിക്കാം ഓഡിയോ ബുക്ക് പുറത്തിറങ്ങി

0

 

പത്ത്, പ്ലസ് ടു പരീക്ഷകകള്‍ക്ക് മുന്‍പായി, പാഠഭാഗങ്ങളുടെ റിവിഷന്‍ ഓഡിയോ ബുക്കുകള്‍ പുറത്തിറങ്ങി. കൈറ്റ് വിക്ടേഴ്‌സ് ഡിജിറ്റല്‍ ക്ലാസുകളുടെ തുടര്‍ച്ചയായാണ് ഓഡിയോ ബുക്കുകള്‍. പത്താംക്ലാസിലെ മുഴുവന്‍ വിഷയങ്ങളുടെയും റിവിഷന്‍ ക്ലാസുകള്‍ ആകെ പത്ത് മണിക്കൂറില്‍ കേള്‍ക്കാന്‍ കഴിയുന്ന തരത്തിലാണ് ഓഡിയോ ബുക്കുകള്‍. പ്ലസ് ടു ക്ലാസുകളുടെ ഓഡിയോ ബുക്കുകള്‍ ഫെബ്രുവരി 21 മുതല്‍ ലഭ്യമാകും. ഓഡിയോ ബുക്കുകള്‍ വിദ്യാഭ്യാസമന്ത്രി വി ശിവന്‍കുട്ടി പ്രകാശനം ചെയ്തു.ഓരോ വിഷയവും ശരാശരി ഒന്നര മണിക്കൂര്‍ ദൈര്‍ഘ്യമുള്ള പ്ലസ് ടു ക്ലാസുകളുടെ ഓഡിയോ ബുക്കുകളും ഫെബ്രുവരി 21 മുതല്‍ ലഭ്യമായിത്തുടങ്ങും. എംപി3 ഫോര്‍മാറ്റിലുള്ള ഓഡിയോ ബുക്കുകള്‍ ഒരു റേഡിയോ പ്രോഗ്രാം കേള്‍ക്കുന്ന പ്രതീതിയില്‍ എല്ലാവര്‍ക്കും കേള്‍ക്കാനും വളരെയെളുപ്പം ഡൗണ്‍ലോഡ് ചെയ്യാനും സോഷ്യല്‍ മീഡിയ വഴിയും മറ്റും മുഴുവന്‍ കുട്ടികള്‍ക്കും പങ്കുവെക്കാനും കഴിയുന്ന തരത്തിലുള്ള സൗകര്യം ഫസ്റ്റ്‌ബെല്‍ പോര്‍ട്ടലില്‍ ഒരുക്കിയിട്ടുണ്ട്.ക്യുആര്‍. കോഡ് വഴിയും ഓഡിയോ ബുക്കുകള്‍ ഡൗണ്‍ലോഡ് ചെയ്യാം. ആവശ്യമുള്ളവര്‍ക്ക് ഹൈടെക് പദ്ധതികളുടെ ഭാഗമായി സ്‌കൂളുകളില്‍ ഒരുക്കിയിട്ടുള്ള ബ്രോഡ്ബാന്‍ഡ് ഇന്റര്‍നെറ്റ് സൗകര്യം പ്രയോജനപ്പെടുത്തി ഇവ ഡൗണ്‍ലോഡ് ചെയ്‌തെടുക്കാനും കൈറ്റ് നിര്‍ദേശം നല്‍കിയിട്ടുണ്ട്.

Leave A Reply

Your email address will not be published.

You cannot copy content of this page