തമിഴ്നാട് പന്തല്ലൂരില് കാട്ടാനയുടെ ആക്രമണത്തില് ആദിവാസിയടക്കം രണ്ടു പേര് മരിച്ചു. ഉപ്പട്ടി പെരുങ്കരൈ സ്വദേശികളായ ചടയന് (58), മഹാലിങ്കം(59) എന്നിവരാണ് മരിച്ചത്. വൈകീട്ട് നാല് മണിയോടെ പെരുങ്കരയിലാണ് സംഭവം. കടയില് പോയി തിരിച്ചു വരുന്നതിനിടെ റോഡില് വച്ചാണ് കാട്ടാന ആക്രമിച്ചത്. രണ്ടു പേരും സംഭവ സ്ഥലത്ത് തന്നെ മരിച്ചു.സംഭവത്തില് പ്രതിഷേധിച്ച് ഉപ്പട്ടിയില് നാട്ടുകാര് റോഡുപരോധിക്കുന്നു.
