കല്‍പ്പറ്റ:മാനന്തവാടി അഗ്‌നിരക്ഷാ നിലയം സീനിയര്‍ ഫയര്‍ ഓഫീസര്‍ സെബാസ്റ്റ്യന്‍ ജോസഫ്,കല്‍പ്പറ്റ അഗ്‌നി രക്ഷാ നിലയത്തിലെ ഫയര്‍ ആന്റ് റസ്‌ക്യൂ ഓഫീസര്‍ കെ.സുരേഷ് എന്നിവരാണ് ഈ വര്‍ഷത്തെ മികച്ച സേവനത്തിനുള്ള മുഖ്യമന്ത്രിയുടെ മെഡലിന് അര്‍ഹരായത്.പയ്യംമ്പള്ളി സ്വദേശിയാണ് സെബാസ്റ്റ്യന്‍ ജോസഫ്.സുഗന്ധഗിരി സ്വദേശിയാണ് കെ.സുരേഷ്.ഇരുവരും ഒട്ടേറെ അതിസാഹസികമായ രക്ഷാപ്രവര്‍ത്തനത്തിന് നേതൃത്വം നല്‍കുകയും രക്ഷാ ദൗത്യത്തില്‍ ഏര്‍പ്പെട്ട് നിരവധി ജീവന്‍ രക്ഷപ്പെടുത്തുകയും ചെയ്തവരാണ്.സ്വാതന്ത്ര്യ ദിനത്തില്‍ അവാര്‍ഡ് സമ്മാനിക്കും.
