കേന്ദ്രസര്‍ക്കാര്‍ ജനങ്ങളെ കൊള്ളയടിക്കുന്നു: ഐസി ബാലകൃഷ്ണന്‍ എംഎല്‍എ

കൊവിഡ് 19 പ്രതിസന്ധികാലഘട്ടത്തില്‍ സാധാരണ ജനങ്ങളെ കൊള്ളയടിക്കുന്ന നടപടിയാണ് കേന്ദ്രസര്‍ക്കാറിന്റെ ഭാഗത്തുനിന്നുമുണ്ടാവുന്നതെന്ന് ഡിസിസി പ്രസിഡണ്ട് ഐ. സി ബാലകൃഷ്ണന്‍ എംഎല്‍എ. മുഖ്യമന്ത്രി കൊവിഡ് 19 ദുരിതാശ്വാസ നിധിയിലേക്ക് സ്വകരിച്ച തുക കൊവിഡ് 19 രോഗികള്‍ക്കും, പ്രവാസികള്‍ക്കും നല്‍കുന്നില്ലെന്നും എംഎല്‍എ. കേന്ദ്ര- സംസ്ഥാന സര്‍ക്കാറുകളുടെ ജനദ്രോഹ നടപടികളില്‍ പ്രതിഷേധിച്ച് ഐഎന്‍ടിയുസിയുടെ നേതൃത്വത്തില്‍ സുല്‍ത്താന്‍ ബത്തേരി ചുങ്കത്ത് നടത്തിയ പ്രതിഷേധ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ചടങ്ങില്‍ ഗഫൂര്‍ പുളിക്കല്‍ അധ്യക്ഷനായിരുന്നു. സുല്‍ത്താന്‍ ബത്തേരിയില്‍ 11 കേന്ദ്രങ്ങളിലാണ് പ്രതിഷേധ പരിപാടി സംഘടിപ്പിച്ചത്.