റിവേഴ്സ് ക്വാറന്റീന്‍ കര്‍ശനമായി പാലിക്കണം

ലോക്ക് ഡൗണില്‍ കൂടുതല്‍ ഇളവുകള്‍ പ്രഖ്യാപിച്ച സാഹചര്യത്തില്‍ റിവേഴ്സ് ക്വാറന്റീന്‍ കര്‍ശനമായി പാലിക്കപ്പെടേണ്ടതാണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.65 വയസ്സ് കഴിഞ്ഞവര്‍,10 വയസ്സില്‍ താഴെയുള്ള കുട്ടികള്‍ ഏതെങ്കിലും തരത്തിലുള്ള രോഗങ്ങള്‍ ഉള്ളവര്‍ ഗര്‍ഭിണികള്‍ തുടങ്ങിയ പരിഗണനാ വിഭാഗത്തില്‍ പെട്ടവര്‍ വളരെ അത്യാവശ്യ സാഹചര്യങ്ങളില്‍ മാത്രമേ പുറത്തിറങ്ങാവു.പുറത്തിറങ്ങുമ്പോള്‍ നിര്‍ബന്ധമായും മൂക്കും വായും മറയ്ക്കുന്ന രീതിയില്‍ മാസ്‌ക് ധരിക്കേണ്ടതാണ്.പുനരുപയോഗിക്കാവുന്ന മാസ്‌ക് ആണെങ്കില്‍ ഓരോ ദിവസവും കഴുകി ഉണക്കി ഇസ്തിരിയിട്ട് ഉപയോഗിക്കാവുന്നതാണ്. ഡിസ്‌പോസിബിള്‍ മാസ്‌ക് ആണെങ്കില്‍ ഒരു തവണ ഉപയോഗിച്ചതിന് ശേഷം ശരിയായ രീതിയില്‍ നിര്‍മാര്‍ജനം ചെയ്യേണ്ടതാണ്.പുറത്തിറങ്ങുമ്പോള്‍ മറ്റുള്ളവരില്‍ നിന്ന് 6 അടിയെങ്കിലും അകലം പാലിക്കേണ്ടതാണ്.ഇടയ്ക്കിടെ കൈകള്‍ സോപ്പും വെള്ളവും ഉപയോഗിച്ചോ സാനിറ്റൈസര്‍ ഉപയോഗിച്ചോ വൃത്തിയാക്കേണ്ടതാണ്.