യുവതാരങ്ങളായ റോഷന്‍ മാത്യു, സൗബിന്‍ സാഹീര്‍, ബാലു വര്‍ഗീസ്, ഗണപതി, ധര്‍മ്മജന്‍ ബോള്‍ഗാട്ടി എന്നിവരെ പ്രധാന കഥാപാത്രങ്ങളാക്കി സജി സുരേന്ദ്രന്‍ സംവിധാനം ചെയ്യുന്ന ചിത്രമാണ് ‘ചാര്‍ലീസ് ഏയ്ഞ്ചല്‍.’ ഗ്രീന്‍ അഡ്വര്‍ടൈസിംഗ് പ്രൊഡക്ഷന്‍സ് ഇന്‍ അസോസിയേഷന്‍ വിത്ത് ഒറിജിനല്‍ മൂവീസ് ബാനറില്‍ സലിം പി.ടി, സതീഷ് ചന്ദ്രന്‍, ഷിഹാബ് അബ്ദുള്‍ഖാദര്‍ എന്നിവര്‍ നിര്‍മ്മിക്കുന്ന ഈ ചിത്രത്തില്‍ അനാര്‍ക്കലി മരയ്ക്കാര്‍ നായികയായി എത്തുന്നു. ലാല്‍, രഞ്ജിപണിക്കര്‍, പാഷാണം ഷാജി, ബൈജു, സോഹന്‍ സിനുലാല്‍, ബിബിന്‍ ജോര്‍ജ്, ഷഹീന്‍ സിദ്ധിഖ്, സതീഷ് ചന്ദ്രന്‍, ലെന, ബഡായ് ബംഗ്ളാവ് ഫെയിം ആര്യ, ഷാലിന്‍ സോയ എന്നിവരാണ് മറ്റ് പ്രമുഖ താരങ്ങള്‍. കൃഷ്ണ പൂജപ്പുര തിരക്കഥയൊരുക്കി സംഭാഷണമെഴുതുന്ന ചിത്രത്തിന് അനില്‍ നായര്‍ ഛായാഗ്രഹണം നിര്‍വഹിക്കുന്നു. ഷിബു ചക്രവര്‍ത്തിയുടെ വരികള്‍ക്ക് ബിജിബാല്‍, കേരളപുരം ശ്രീകുമാര്‍, ശീതള്‍ പിള്ള, സതീഷ് ചന്ദ്രന്‍ എന്നിവര്‍ സംഗീതം നല്‍കുന്നു.
