ആവശ്യമായ സാധനങ്ങൾ
കടലപ്പരിപ്പ് (വേവിച്ച് ഉടച്ചത്) – 250 ഗ്രാം
ശർക്കര (ഉരുക്കി അരിച്ചത്) – 600 ഗ്രാം
ചൗവരി (വേവിച്ചത്) – 50 ഗ്രാം
കിസ്മിസ് – 50 ഗ്രാം
അണ്ടിപ്പരിപ്പ് – 50 ഗ്രാം
തേങ്ങാക്കൊത്ത് – അരകപ്പ്
ഏലയ്ക്കാപ്പൊടിച്ചത് – ഒരു ടീസ്പൂൺ
തേങ്ങാപ്പാൽ (മൂന്നാംപാൽ) – മൂന്ന് കപ്പ്
രണ്ടാം പാൽ ( രണ്ട് കപ്പ്)
ഒന്നാം പാൽ (ഒരു കപ്പ്)
നെയ്യ് – 50 ഗ്രാം
തയാറാക്കുന്നവിധം
ഉരുളിയിൽ അൽപം നെയ്യ് ഒഴിച്ച് വേവിച്ച കടലപ്പരിപ്പ് ഇട്ട് വഴറ്റി ശർക്കര ഉരുക്കിയത് ചേർത്ത് വരട്ടി എടുക്കുക.
ഇതിലേയ്ക്ക് മൂന്നാം പാൽ ഒഴിച്ച് ചൗവരി വേവിച്ചതും ചേർത്ത് തിളപ്പിച്ച് കുറുക്കുക.
മൂന്നാം പാൽ വറ്റിത്തുടങ്ങുമ്പോൾ രണ്ടാം പാൽ ഒഴിച്ച് കുറുക്കി ഒന്നാം പാലും ചേർത്ത് പായസം അടുപ്പിൽ നിന്ന് മാറ്റി ഏലയ്ക്കാപ്പൊടിച്ചതും ചേർക്കുക. നെയ്യിൽ വറുത്ത അണ്ടിപ്പരിപ്പും കിസ്മിസും തേങ്ങാക്കൊത്തും വിതറുക.